Aldana abertzaleak (Ziburu Bizi 2026) botoen %58,8 lortu du eta bigarren agintaldiari ekingo dio Ziburun (Lapurdi). Bigarren tokian gelditu da Jean Louis Poulou (Ziburu bihotzean), botoen %41,2 eskuratuta. Aurreko agintaldian hiru oposizio talde izan zituen Aldanak; oraingoan bakarra izango du. Hauteskunde hauetan bi zerrenda baino ez dira aurkeztu Ziburun. Kanalduderi eskainitako elkarrizketan, Aldana auzapezak adierazi du “biziki pozik” dela eta azken sei urteetan lana ongi egin izanaren emaitza izan dela.