Elikagai industriak 18.000 milioi euro poltsikoratu ditu gosea areagotzen ari den bitartean

  • Pandemia ondorengo goseteek COVID-19ak baino heriotza gehiago eragin ditzakete, Oxfamen azken txostenaren arabera. Elikadura enpresa handiek 18.000 milioi euroko irabaziak izan dituzte aldi berean.


2020ko uztailaren 13an - 11:08

COVID-19ak piztutako krisi planetarioak heriotza gehiago eragin ditzake goseagatik gaixotasunagatik baino, El Salto hedabideak argitaratu duenez. Oxfamek uztailaren 9an argitaratutako El virus del hambre txostenaren arabera, koronabirusarekin lotutako pobretzeak 12.000 hildako eragin ditzake egunero. Apirilean, pandemiaren unerik okerrenean, koronabirusak 10.000 heriotza eragin zituen egunez egun.

Urtea amaitu baino lehen, gosea pairatzen duten pertsonen kopurua 270 milioikoa izango da. Horietatik 120 milioi azken krisi honi egozten zaizkio, Elikagaien Munduko Programaren datuen arabera. Arrazoi nagusiak ondorengoak lirateke: langabezia, mugikortasunaren murrizketak, elikagaien ekoizpenaren eta banaketaren aldaketak eta laguntza humanitarioaren murrizketa.

Chema Vera Oxfam Internacionaleko zuzendariaren ustez, koronabirusaren krisia "gatazka, klima aldaketa eta desberdintasunaren ondorioei eta elikadura-sistema disfuntzionalari aurre egin behar zieten milioika lagunentzako edalontzia bete duen tanta izan da".

Elikadura-larrialdi egoerak kontraste nabarmena egiten du elikadura enpresa handien negozioaren norabidearekin. Besteak beste, Coca-Cola, Danone, General Mills, Kellogg, Mondelez, Nestlé, PepsiCo eta Unilever enpresek negozio borobilak egin baitituzte aurtengo urtarriletik aurrera. Erraldoiek 18.000 milioi dolarreko dibidenduak banatu dituzte euren akziodunen artean. Verak salatu duenez, "gosetea geldiarazteko Nazio Batuen Erakundeak eskatu duena baino hamar aldiz handiagoa da”.

Txostenaren arabera, "gosearen epizentro" berriak agertu dira, hala nola, Indian, Hegoafrikan eta Brasilen. "Lehen bizirauteko zailtasunak zituzten milioika pertsona muturreko egoeran daude". Aurretiaz krisi ekonomikoak zituzten beste herrialde batzuek, Venezuelak eta Hego Sudanek kasu, iragarpenak okertu dituzte pandemiaren ondorioz.

Brasilen, Oxfamek dioenez, milioika langile txirok galdu dituzte diru-sarrerak konfinamenduaren ondorioz, eta ia ez dute aurrezkirik edo laguntza sozialik. Ekainaren amaieran, Jair Bolsonaroren Gobernuak agindutako laguntzen %10 baino ez zuen banatu.


Kanal honetatik interesatuko zaizu: Desberdintasun soziala
Gizonen %44k uste du berdintasun-politikak "urrunegi" joan direla eta beraiek direla baztertuak

Espainiako Ikerketa Soziologikoen Zentroak (CIS) egindako lehen inkesta monografikoa da, “Gizonen eta emakumeen arteko berdintasunari buruzko pertzepzioak eta genero-estereotipoak” gaiari buruzkoa: ikerketan parte hartutako emakumeen gehiengoak (%65,5) dio baieztapen... [+]


Etxeko errefortzua kontuan hartu gabe emango bagenu klasea?

"Eskolan ikasgaia azaldu, etxean eskolako lanak egin eta azterketa jarri" formula aldatzea erabaki du José Antonio Herranz irakasleak: irakaskuntza-ikaskuntza osoa eskola-orduetara mugatu du, etxeko errealitatearen erruz ez daitezen ikasle batzuk atzean geratu... [+]


Eskolaz kanpoko jarduerak doan, Portugalgo gakoa desorekari aurre egiteko

6-10 urte bitarteko haurrek doan dituzte eskolaz kanpoko jarduerak Portugalen. Ekintza hauetan parte-hartze unibertsala bermatzea onuragarria izan da Portugalgo ikasleen arteko desoreka sozioekonomiko eta ondorioz akademikoei aurre egiteko eta eskola porrota txikitzeko, besteak... [+]


Arrakalaren enegarren aurpegia

338 eurotako alokairua edo 119.000 eurotako erosketa. Horiek dira 18 eta 44 urte arteko emakume batek batez beste ordaindu dezakeena bere kabuz bizitzen jartzeko EAEn. Beti ere, etxebizitzarako gorde beharrekoa gehienez diru-sarreren %30 dela kontutan hartuta. Eusko... [+]


Wimbledongo araudi orbangabea

Londres, 1877ko uztaila. All England Lawn Tennis and Crocket Club elkarteak antolatuta, Wimbledon tenis txapelketa jokatu zen lehenengoz, munduko tenis lehiaketarik zaharrena. Handik zazpi urtera, 1884an emakumezkoek ere parte hartu ahal izan zuten. Eta aurten amaitu berri den... [+]


Eguneraketa berriak daude