ELB sindikatuak salatu du diru-laguntzak soilik abeltzain handientzat direla

  • Ipar Euskal Herriko abeltzainen ELB sindikatuak salatu du FNSEA sindikatuak diru-laguntzak abeltzain handiei baino ez dizkiela eman nahi.


2013ko azaroaren 19an - 00:00
Azken eguneraketa: 2015-02-26 13:37:33
ELBko kideak, prentsaurrekoan. (Arg: Kazeta.info)

Frantziako nekazaritza ministerioak bilera egin zuen duela bi aste nekazaritza sindikatuekin, nekazal ekoizpenera bideratutako milioi bat euroko esleipena nola egin zehazteko. Bertan FNSEA sindikatu nagusiak hartutako jarrerak haserrarazi du ELB.

“Laguntzak laborari handiei bideratu, eta etxalde txikiak desagarrarazi nahi dituzte ustiapen erraldoien mesedetan”, kritikatu du Jean-Paul Duhalde ELBko kideak. “Abeltzain guztien mesederako” diren politikak aldarrikatu ditu.

Haren aburuz, Gobernuak ontzat emango balu FNSEAren proposamena Ipar Euskal Herriko laborarien %70k ez luke sosik jasoko. Dioenez, onartuz gero, egoera “larrian” jarriko luke nekazaritza.

Handientzat egindako proposamenaren bi adibide

Behi haragiaren ekoizpenari dagokionez, 30 burutik beherako behi taldeei laguntzarik ez ematea nahi du FNSEAk.

Bestalde, ardiak saltzetik ateratako diru etekina murriztuko litzateke, ardi bakoitzeko 21 eurotik 16 eurora pasatuz.

Laurent Irigarai ELBko kidearen arabera, Ipar Euskal Herriako baserrietan bi hazkuntza motak dituzte, behiena eta ardiena, alegia. Beraz, ez bata ez bestea ez dira izaten “oso handiak”.

 Neurria onartuz gero, “ehunka” etxalde desagertuko liratekeela esan du. 

 


Kanal honetatik interesatuko zaizu: EHko Laborantza Ganbara (EHLG)
2023-11-10 | Euskal Irratiak
Ostiralean ireki ditu ateak Lurramak, Iparraldeko laborantza iraunkorraren saloiak

Emazteek laborantzan leku garrantzitsua izanik ere, ainitzetan gizonen itzalean izan dira. Hori aldatu nahian, emazteak erdigunean ezarriko dituzte aurten Lurraman.


2023-07-11 | Enbata
Emazte laborariak argitan

Azaroaren 10, 11 eta 12an, Biarritzeko Irati gelan iraganen den Lurramaren 2023ko edizioaren kari, emazte laborariak argitan ezartzea erabaki du Lurrama elkarteak, «Emazte laborariak argitan» tematikarekin.


2023-07-06 | Euskal Irratiak
Emazte laborariak argitan aurtengo Lurraman

"Emazte Laborariak Argitan"  izanen da aurtengo Lurramaren leloa. 27 emazte laborari agertzen dira afixan. Haien rolak, engaiamenduak, eskumenak eta berezitasunak azpimarratuko dituzte heldu den azaroaren 10, 11 eta 12an, Miarritzeko Irati gelan.


2022-11-11 | Euskal Irratiak
"Mendiaren erabilpena lehen baino gehiago kudeatu behar da"

Lurrama, laborantzaren saloina Miarritzeko Irati gelara itzuliko da aurten baina kasu, ostegunetik larunbatera iraganen da 17. edizioa. "Mendiguneak bizirik!" hautatu dute lema gisa eta Pirinio inguruko laborariak gomitatuak dira.


Aurtengo Lurramak mendiaz gogoetatzeko aukera eskainiko du azaroaren 10, 11 eta 12an

Miarritzeko Irati aretoan iraganen da laborantza herrikoiaren besta. Besta eta hausnarketa uztartuko dituzte hiru egunez, laborantza industrialaren parean garaturiko eredu herrikoia ezagutarazteko xedez.


Eguneraketa berriak daude