Ekologistak, Arcelor Mittaleko langileak eta kontsumitzaileak, Iberdrolaren aurrean protestan

  • Tarifa garestiegiak ezartzea, Garoñako zentrala berriz zabaldu nahi izatea, energi probrezia sustatzea eta autokontsumoaren aurkako legedia babestea leporatu diote bizkaitar transnazionalari, besteak beste.

Unai Brea @unaibrea
2016ko apirilaren 08a
Arcelor Mittaleko langile bat, suziria eskuetan (Arg.: Uriola).

Ehunka lagun bildu dira goizean Bilboko Euskalduna jauregiaren aurrean, barruan akziodun batzarra egiten ari zen Iberdrolaren jardunagatik protestan. Multzo handiena eta zaratatsuena –300 pertsona inguru– Sestaoko eta Zumarragako lantegietatik iritsitako Arcelor Mittaleko beharginena izan da.

Sindikatuetako ordezkariek gogora ekarri dute argindarraren gehiegizko prezioa dela multinazionaleko zuzendaritzak Sestaoko fabrikaren jarduera eten eta Zumarragakoa ixteko emandako aitzakia nagusietakoa. “Tarifak altuegiak dira, nola kontsumitzaile arruntentzat hala enpresentzat”, adierazi du Jose Luis Pascuasek, Sestaoko ACBko LABen izenean; “Europa osoko mailan jar ditzatela eskatzen dugu, besteen baldintza beretan lehiatu ahal izateko merkatuan”.

Garoña behin eta betiko itxi eta eraistearen alde

Arcelorreko langileak ez dira izan akziodun batzarraren aurrean jarritako bakarrak. Garoñaren kontrako Foroak, esaterako, dozenaka lagun bildu ditu Txernobil=Fukushima=Garoña=Iberdrola zioen pankartaren atzean. Garoñako zentral nuklearra berriro irekitzeko baimena lortze aldera Iberdrolak egindako ahaleginak deitoratu eta enpresak zabaldu nahi duen “gezurrezko irudi berdea” salatu dute, agiri baten bidez.

Garoñaren kontrako Foroko kideak.

“[Iberdrolak] Bilbo zurikeriaz bete du azken astean: bizikleta-taxiak, isurpenik gabeko autobusak, doaneko tranbia bidaiak… Haatik, ezkutatu egiten dute ekoizten duten kWh bakoitzeko 0,21 kilogramo CO2 isurtzen dutela, eta aktibitate handiko zabor erradioaktibo 0,31 miligramo sortzen dutela”, esan dute agirian. Bide batez, Txernobyl eta Fukushimako zentraletako istripuek eragindako suntsipenaren zifrak gogorarazi dituzte, lehenbizikoaren 30. urteurrena eta bigarrenaren bosgarrena betetzen diren honetan.

Hamabi neurriko manifestua enpresaren “gehiegikerien aurka”

Bestalde, hainbat esparrutan diharduten sei elkartek manifestu bateratua aurkeztu dute Iberdrolaren akziodun batzarraren karietara. Elkarte horien artean daude Greenpeace, Energi Eredu Berri Baterako Plataforma eta ADICAE kontsumitzaile elkartea, besteak beste. Gainera, Euskalduna jauregiko batzarrean hitza hartu dute elkarte horietako zenbait ordezkarik.

Manifestuan hamabi neurri proposatu dizkiote Iberdrolari. Azpimarragarrienen artean daude energi pobrezia sustatzeari uztea –2015ean enpresak 265.000 erabiltzaileri eten zien argindarra, ez ordaintzegatik–; ingurumena kaltetzen dute energia motak ekoiztea; jarrera oligopolikoari uko egitea; eta autokontsumoa zigortzen duen legedia ez babestea.

Halaber, enpresaren gehiegikeriei itxura demokratikoa emateko xedea besterik ez duen antzezlantzat jo dute akziodun batzarra: “Erabaki guztiak aldez aurretik hartuta ditu Iberdrolako Administrazio Kontseiluak”.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Iberdrola kanaletik interesatuko zaizu...
2018-04-19 | Hiruka .eus
Iberdrolak Espainiako Gobernuagaz hitzartu ditu Lemoizko zentrala uzteko baldintzak

Mikel Otero EH Bilduko eusko legebiltzarkideak "eskandalagarritzat" jo du asteazkenean argitara atera den Iberdrolaren eta Espainiako Gobernuaren arteko akordioa; horren arabera, konpainia energetikoak ihes egingo dio Lemoizko zentral nuklearrak okupatzen dituen lurrak berreskuratzeko eta egokitzeko daukan "obligazioari".


2017-05-11 | ARGIA
Iberdrolaren egoitza miatu dute 2013ko neguan prezioak bidegabe igo ote zituen ikertzeko

Antonio Romeral Espainiako ustelkeriaren aurkako fiskalak salatu du Iberdrolak 20 milioiko “irabazi bidegabeak” eskuratzeko plan bat egin zuela 2013ko neguan, hotzaldi baten erdian argindarraren prezioa gehiegi igoz.


2017-04-27 | Unai Brea
Garoņaren Kontrako Foroa:
"Endesa eta Iberdrola gure bizitzekin jolasean ari dira Gobernuarekin negoziatzen duten bitartean"

Garoñaren Kontrako Foroak gogor kritikatu du Nuclenorren Administrazio Kontseiluak Garoñako zentral nuklearraren berrirekiera eskatzeko erabakiari eutsi izana. Enpresaren bazkideetako batek, Iberdrolak, beste bazkideari (Endesa) adierazi dio zentrala berpizteari uko egin beharko lioketela, ekonomikoki bideraezina izateagatik.


2017-04-27 | Unai Brea
Garoņaren etorkizunaz adostasunik ez Nuclenorreko bazkideen artean

Apirilaren 26ko bilerak ez du ezer argitu: Garoñaren jabe den Nuclenor enpresako bi bazkideek, Iberdrolak eta Endesak, ez dute lortu zentral nuklearrarekin egin beharrekoaz ados jartzea.


2017-04-26 | Unai Brea
Zer egingo du Nuclenorrek Garoņarekin?

Garoñaren jabe den Nuclenor enpresako bi bazkideek, Endesak eta Iberdrolak, zentral nuklearraren etorkizunaz hitz egiteko bildu dira asteazken arratsaldean. Goizean, Endesako presidente Borja Pradok akziodunen aurrean adierazi du –noiz eta Txernobyleko istripuaren 31. urteurrenean– enpresak ez duela erabakirik hartu oraindik, eta ez diola Garoña berriro irekitzeari uko egiten oraingoz.


2017-03-28 | Unai Brea
Garoņa itxita, besteak zabalik

Joan den larunbatean azalean zekarren El Correo-k: Nuclenorrek aitortu du Garoña berriro martxan ipintzea ekonomikoki bideraezina dela. Vocento taldeko egunkariek jaso dutenez, zentral nuklearraren jabeengandik oso hurbileko iturriek baieztatu diete Nuclenor –erdibana Endesak eta Iberdrolak osatua– ez legokeela prest Garoña berriz pizteko beharko  lituzkeen 205 milioiak gastatzeko. Horietatik, 170 inguru Espainiako Segurtasun Nuklearraren Kontseiluak (CSN)... [+]


Iberdrolatik deskonektatu

Gaindegiaren datuen arabera, 2014an Euskal Herrian 131.000 lagun energia pobrezian bizi ziren eta EAEko 87.000 pertsonak ezin zuten eduki etxea tenperatura  egoki batean. Herritarren lehen mailako behar bat pribatizatu eta negozio bilakatu izanak eragin du, besteak beste, 2003tik hona argindarraren prezioa bikoiztea. Iberdrola da energiaren salerosketaren pagotxaren onuradun handiena. Endesarekin batera Garoñaren jabea da.


2017-03-03 | Axier Lopez
Bilboko Iberdrola dorrea okupatu eta kontzertua egin dute barruan

Herritarrak "Iberdrolatik deskonekta daitezen" animatzeko, ostegunean 7ak aldera berrogei bat lagun Iberdrolaren Bilboko egoitzan sartu eta kontzertua egin dute. La Bamba abesti mexikar ezagunaren bertsioa jo bitartean dantzan aritu dira maskara koloretsu eta mozorroa jantzita. Hainbat herri mugimendutako kideek elkarlanean antolatutako lehen "kontzertu klandestinoa" izan dela azpimarratu dute.


2017-02-23 | Unai Brea
Garoņa behin betiko ixteko eskatu du Espainiako Parlamentuak

Espainiako Diputatuen Kongresuko Energia Batzordeak Garoñako zentral nuklearra itxi eta eraisten hasteko plan bat abia dadila eskatu du otsailaren 22an egindako saioan. Horrez gain, zentrala dagoen eskualdea ekonomikoki berpizteko neurriak galdatu dituzte. Talde guztiek bozkatu dute alde, PPk izan ezik.


Azkenak
EGILEA
Eguneraketa berriak daude