Diru-Sarrerak Bermatzeko Errentaren erabiltzaileak

"Gutxiengo baten mesedetan aritzeari utzi eta herritarrak babesteko garaia da"

  • Diru-Sarrerak Bermatzeko Errentaren erreformari erantzunez, Euskal Herriko Eskubide Sozialen Kartak deituta elkarretaratzeak egin dituzte Eusko Jaurlaritzako Donostiako eta Bilboko egoitzen aurrean. Erabiltzaileek hartu dute hitza.

Estitxu Eizagirre @eeizagirre
2017ko ekainaren 14a
 

Vicky Molina, Lanbidek Kaltetuak plataformako kideak adierazpen hauek egin ditu: "Ikusten dugu Artolazabal andereak zer irizpideri eutsi nahi dion eta ez dugu hauekin bat egiten. Uste dugu andre hau ez dela euskal hiriburuan bizi, bere soldata 7.500 eurokoa da hilean, pagak gehituta, eta esaten du pertsona bat 600 eurorekin bizi daitekeela, alokairuaren prezioa hori baino handiagoa denean". Jarraian, aldarrikapen hau egin du:

Mikel Urdangarin Ernai gazte antolakundeko kideak hau adierazi du: "Diru Sarrerak Bermatzeko Errentan egin nahi duten murrizketak gazteoi ere eragiten digu zuzenean. Edozein enplegu onartzea edonolako baldintzetan, langabezia, ezkutuko lanak edo atzerrira joatea da gazteoi eskaintzen diguten bakarra. Gazte batzuek bizitza duina bermatzeko ezinbesteko dute prestazio sozialetara jotzea, tartean DSBEra. Lehendik ere ez du behar bezalako babesik eskaintzen, adibidez, gurasoen etxean bizi diren gazteek ezin dute DSBE jaso, gurasoen etxez kanpo gutxienez 2 urtez erroldatuta egon behar dute. Babes hori zabaldu beharrean, murriztu egin nahi dute, Marotoren politika desastrosoei jarraituz. Batetik, 2007ko %7ko murrizketei jarraipena eman nahi diete eta gainera etxebizitza bakoitzean DSBE bakarra jasotzea planteatzen dute. Bistakoa da horrek gazte etxebizitzei zer nolako kaltea ekarriko dien". Mezu bakoirrarekin amaitu du: "Ez da etsitzeko garaia, eskubideak ez dira pribilegio, eskubideak bermatu egin behar dira. Gure nahi eta beharrei erantzungo dien estatu eredu bat eraikitzeko garaia da eta horren bidean babes sozialerako sistema publiko probio eta kalitatezkoa eraiki behar da. Babes soziala zabaldu egin behar da murriztu beharrean. Gutxiengo pribilegiatu baten mesedetan aritzeari utzi eta herritarrak babesteko garaia da".

Mikel Esnaola Eskubide Sozialen Kartako eta LABeko kideak zera nabarmendu du: "Erreforma horiei eta murrizketei ezezko biribila ematen diegu eta horren aurrean aldarrikatzen dugu babes sozialerako sistema publiko propio bat, beste oinarri batzuen gainean eraikitakoa".

Bilboko elkarretaratzea. Argazkia: @ESKsindikatua

Hurrengo mobilizazioak

Euskal Herriko Eskubide Sozialen Kartak beste bi mobilizazio deitu ditu "RGI pobreziarik ez" aldarrikatzeko: Ekainaren 22 goizean Bilbon, mugimendu feministak hartuko du ahotsa. Eta ekainaren 29 goizean Donostian, Bilbon eta Gasteizen, langileek hartuko dute ahotsa.

Argazkia: @LABGureGaraia
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: DSBE  |  Pobrezia  |  Donostia  |  Bilbo

DSBE kanaletik interesatuko zaizu...
2018-10-03 | ARGIA
Lanbidek DSBE eta EPO laguntzak kendu dizkio NANa galdu zuen emakume bati

Pasaportea, poliziaren ziurtagiria eta NANaren kopia aurkeztuta ere, Lanbidek ez zizkion paperak onartu. Bazterketa sozial egoera larrian den emakumea diru-laguntza barik uzteko erabakia berrikusteko eskatu dio Arartekoak Euskal Enplegu Zerbitzuari.


2018-08-29 | ARGIA
Beheranzko joerari eusten dio Diru-Sarrerak Bermatzeko Errenta jasotzen dutenen kopuruak

2015ean jo zuen goia EAEn Diru-Sarrerak Bermatzeko Errenta jasotzen dutenen kopuruak (66.373 lagunek behar zuten orduan). Ordutik, beherantz egin du kopuru horrek eta uztailean ere hala izan da: 57.377 izan dira DSBE jaso duten pertsonak, 2012 urteko kopurua berdinduz.


2018-05-17 | ARGIA
Argilan-Esk plataformak borondate politiko falta jo du pobreziarekin amaitzea eragozten duen arrazoi nagusitzat

Diru sarrerak bermatu eta jendarte inklusiorako EAJ eta PSEk aurkezturiko Lege Proposamenak ez duela ez pobreziarekin, ez bazterketarekin, ezta Lanbideren tratu txarrekin amaituko adierazi dute plataformako kideek.


2018-03-15 | Estitxu Eizagirre
Euskal Herriko pobreenak 65 urtez gorako emakumeak dira

1.080 eurokoa izatea gutxieneko pentsioa. Zenbaki horretan jarria du duintasunaren marra Pentsionistak Martxan plataformak. Eta larunbat honetarako manifestazio masiboak espero dira. Marra horretatik urrunen emakumeak daude, EAEko pentsioen arrakala Espainiako handienetakoa baita. Hara zer dioten datuek:


2018-03-14 | Estitxu Eizagirre
"Pobreziarik eta bazterketarik gabeko herri bat" exijitu diote Jaurlaritzari gizarte eragileek

Pobrezia eta bazterketarik gabeko herri baten alde manifestua plazaratu dute gizarte eragileek martxoaren 14an, Bilboko La Bolsa gizarte zentruan. Diru Sarrerak Bermatzeko Oinarrizko Errentaren erreformak ekar ditzakeen murrizketei aurre egiteko elkarretaratzea deitu dute martxoaren 21ean, 10:30ean Jaurlaritzaren Bilboko egoitza aurrean (Gran Via 85). Bertan, manifestua Iñigo Urkullu lehendakariari eta Beatriz Artolazabal Enplegu arduradunari bidaliko diete, Eusko Jauralitzaren... [+]


2018-03-05 | Estitxu Eizagirre
"Lanbideren aurrean biluzik" ekintza egin dute Barakaldon, emakumeen egoera salatzeko

@EcuadorEtxea-ren bideoan ikus daitezke emakumeak "biluzten" Lanbidek Barakaldoko Beurko auzoan duen bulegoaren aurrean, martxoaren 5 goizean. Berri-Otxoak taldeak eta Argitan Emakumeen Etxeak deitu duten ekintza honekin salatu dute emakumeek pairatzen dituzten prekarietatea, pobrezia eta murrizketak.


Eusko Legebiltzarra berriz ere gauza bera egitera doa

Argilan-ESK Bizkaia sindikatuko kide modura idatziriko iritzia. (Erredakzioan itzulia)


2017-07-04 | Estitxu Eizagirre
Prebarikazioagatik salatu ditu Lanbideko zuzendari nagusia eta prestakuntza zuzendaria herritar batek

Jasotzen zuen Diru Sarrerak Bermatzeko Errenta eteteko prozeduran prebarikazioa, dokumentu bat faltsutu eta estali izana egotzi die herritarrak Borja Belandia eta Juan Ibarretxeri.


2017-06-25 | Juan Mari Arregi
Eusko Jaurlaritzak bere buruari jartzeko moduko DSBE bat

Diru-sarrerak Bermatzeko Errenta (DSBE) jasotzen duten EAEko 62.924 pertsonek laster ikus dezakete euren prestazioa murriztuta –634 euro inguru pertsonako– EAJ-PSEren gobernuak PPren babesarekin sustaturiko erreforma dela-eta. Horixe salatu du berriki Euskal Herriko Eskubide Sozialen Kartak, Lanbideren Bilboko egoitza aurrean; babes sozialeko sistema publiko bat ere eskatu du mugimenduak.


Eguneraketa berriak daude