Donostian emakume bat erreskatatu dute itsasoan bost ordu baino gehiago egon ondoren
Monpaseko arroketatik atera zuten emakumea bost ordu eta erdi itsasoan flotatzen egon ondoren. Bere aitak adierazpen bat luzatu du eta salbamendu baliabide gutxi dagoela salatu du.
Emakumea igandeko ordu txikitan erreskatatu zuten Donostian, Saguesetik gertu. Zurriola hondartzara jeitsi zen bainu bat hartzera arratsaldeko 19:00tan eta ur-lasterrak itsasoan barrena eraman zuen emakumea. Urduri jarri ordez, buruz gora jarri zen eta flotatzen egon zen, bost ordu eta erdi beranduago erreskatatua izan zen arte. Itsasoaren tenperatura 20ºC inguruan dabilenez udan, hipotermia arina besterik ez du gazteak.
Emakumearen aitak adierazpena luzatu zien hainbat hedabideri, eta bertan adierazi igandeko 00:40tan erreskatatu zuela gaztea Salvamento Maritimo-k egoera onean. Aitak adierazi duenez egoerak ez zuen itsura onik. Gaztea arratsaldeko 19:00tan jeitsi zen Zurriola hondartzara bainatzera. 22:00ak baino lehentxeago haren lagun batek deitu zuen aita, emakumea ordu luze batez hondartzan bilatzen egon eta haren gauzak hondarrean topatu ondoren.
Honakoak bertaratu ziren erreskatera: Ertzaintza, suhiltzaileak, Gurutze Gorria, babes zibila, Udaltzaingoa, Guardia Zibilaren itsas-zerbitzua eta Salvamento Maritimoren Helimer helikopteroa.
Emakumea, bainatzen ari zela, ur-korronteak itsasoan barrena eraman zuen. Igeri eginaz energia gastatu ordez, flotatzea erabaki zuen, olatu asko zegoela-eta. Bost ordu eta erdi horrela egon ondoren, 00:30ak aldera, aurkitu zuen helikopteroak emakumea, Monpas bide inguruan. Aitak salatu du helikoptero bakarra dagoela halako erreskateetarako kantabriar kosta osoan.
Kabaretak, parrandak, emakume biluziak dantzan, kokaina, heroina eta morfina salgai farmazietan... Pelikula bateko eszena dirudi, baina Donostiaz ari gara. Orain 100 urte baino gehiago, aristokratentzat eta burgesentzat festa latzak izaten ziren hiriko kabaretetan. 1917an,... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]
Hilaren 12tik 19ra egingo dute 21. Donostiako Giza Eskubideen Zinemaldia, eta askotariko filmak proiektatuko dituzte: osasun mentala, Palestinaren egoera, migrazioak, lanaren etorkizuna, Ukrainako haurrak eta transexualen eskubideak izango dira zinemaldiko film eta... [+]
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.