Martxoaren 14an II. eskola dekolonialak antolatu dituzte, Arrazakeriaren Aurkako Amen eskutik. Amara Berriko eskolako aretoan izango du lekua Estefania Quílezek bideratuko duen jardunaldiak. Arrazakeria eta kolonialismoa ardatz harturik, Katya Colmenaresek, Ramon Grosfouguelek eta Haritz Garmendiak hitzaldi bana emango dute. 9:00etan hasi eta 14:00etan amaituko dira solasldi horiek eta ondoren, 15:30ean euskara eta migrazioaz mahai-ingurua egingo da. Hausnarketarako “bideak irekitzea” bilatzen dutela azpimarratu dute antolatzaileek. Umeentzako zaintza zerbitzua antolatu dute. Honezkero jende askok izena eman badu ere, gehiagori luzatu nahi diote izena emateko gonbita.

Bestalde, martxoaren 13an, Ramon Grosfouguel Egiako (Donostia) Teila Fabrikan arituko da hizlari 19:00etan, Latinoamerikan Monroe doktrinak duen eraginaren inguruan.