Emakumeak borrokan

Donostiako Udalak etxebizitza turistikoak erregulatzeko ordenantza berria egingo du

  • Donostiako Udalak adierazi du etxebizitza turistikoak erregulatzeko lanean ari da, eta maiatzaren 19ra bitarte ekarpenak egiteko aukera dagoela. Donostiako turismoa zuzentzeko lau urteko plana ere egiten ari dela iragarri du.

Lukas Barandiaran San Roman
2017ko maiatzaren 09a
Donostiako Alde Zaharra.

Udalak adierazi du zenbait arazo atzeman dituela etxebizitza turistikoen “hazkunde garrantzitsua” eman dela eta; askotan modu irregularrean eskaintzen direla esan du. Udalak uste du hazkundea “turismoaren erakargarritasunaren eta plataforma digitalen” ondorio dela.

Jaurlaritzak etxebizitza turistikoei buruzko erregulazioa 2016tik egina badu ere, Donostian 2010eko Arau Urbanistiko Orokorrak erregulatzen du egun negozio mota hori, eta arau horrek ez du etxebizitza turistikoen gaia espresuki lantzen. Arauaren arabera, debekatuta dago etxebizitza arruntetatik gora dauden pisuetan eta 250 metro koadro baino gehiago dituzten etxebizitzetan halako negozioak jartzea.

Udalak beharrezkotzat jo du negozio hori erregulatzea eta negozio hori zein eraikin motatan ezarri daiteken zehaztea. Argumentatu du etxebizitza “jabeen interes nabarmena” dagoela, “eskaera turistiko garrantzitsu” bati erantzuten diola, kanpotarrek hirira ekartzen duten “aberastasun ekonomikoa handitu” dezakeela eta hiriko eraikinen “erabilera intentsiboa baimentzen” duela.

Donostiako Turismoa Zuzentzeko Plana 2017-2021

Astelehenean Donostiako Turismoa Zuzentzeko Plana 2017-2021 aurkeztu du Donostiako Udalak. Eneko Goia alkateak adierazi du “hazkunde jasangarria” bultzatu behar dela, eta datozen urteetarako helburua ez dela hazten jarraitzea, baizik eta lortutakoa kudeatzen jakitea —Donostian hogei hotel eraikitzen ari dira oraintxe bertan—.

Proposatutako neurrien artean daude Alde Zaharra “gune betea” deklaratzea etxebizitza turistikoentzat eta datozen bisitariei tasa turistiko bat kobratzea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismo masiboa  |  Donostia

Turismo masiboa kanaletik interesatuko zaizu...
Azkenak
EGILEA
Eguneraketa berriak daude