Donibane Lohizunen (Lapurdi) ere ez da ezuste handirik izan. Orain arteko auzapez Jean-Francois Irigoyen eskuindarrak (Saint-Jean passionnément) botoen %48,37 (3.523 bozka) lortu du, Manuel de Lara zentristak (Un nouvel élan avec vous) 27,28% (1.987) eta Pascal Lafitte abertzaleak (Donibanen Bizi) %24,35 (1.774).

Abstentzioa %38,25ekoa izan da, lehen itzulian bezalatsu (%38,08)

Haren lan-taldeak egindako lana nabarmendu du Irigoyenek, Kanaldudek egin galderari erantzunez. "Biziaren kalitatearen" alde egindako proiektuaz hitz egin du auzapezak, espaloiak, bideak eta bestelakoak.