AEBetako komunikabideetan zabalduari segi, Polizia federala ikertzen ari da Trumpek dokumentu klasifikatuen erabilera okerra egin ote duen. "Jazarpen politikoa" salatu du AEBetako presidente ohiak.
"Egun beltzak bizi ditu gure nazioak, nire egoitza ederra, Palm Beacheko Mar-a-Lago, Floridan setiatua eta miatua izan da, FBIko agente andanak okupatu du", Donald Trumpen hitzetan. AEBetako presidente ohiaren Palm Beacheko etxea miatu dute, FBIko 30 bat agentek, dokumentu klasifikatuen erabilera okerra egin ote duen jakiteko. Ikertzen ari dira ea Etxe Zuria utzitakoan dokumentu klasifikatu batzuk eraman ote zituen bere etxera.
Urtarrilean jadanik, AEBetako Artxiboen eta Erregistroen Administraritzak hamabost dokumentu kutxa errekuperatu zituen Mar-a-Lagotik. Bertan zituen demagun Barack Obama edota Ipar Koreako estatu-buru Kim Jong-unekin trukatu gutunak. Erakunde horretako ordezkarien arabera eta 1978ko lege bati segi, Trumpek haiek entregatu behar zituen Etxe Zuria utzi zuenean. 2021eko urtarrilaren 20an utzi behar izan zion presidentearen aulkia Joe Bideni, gogoz kontra eta parekoaren garaipena onartu gabe.
Miaketaren berri ukan bezain laster adierazi dute haien haserrea bere jarraitzaileek. Hamarnaka elkartu dira Paln Beacheko etxearen aurrean, presidente-ohiari elkartasuna adierazteko:
VIDEO: Dozens of supporters of former US president Donald Trump gather outside his Mar-A-Lago home in Florida after he said the residence was being "raided" by FBI agents pic.twitter.com/iv6Lnv0DyV
— AFP News Agency (@AFP) August 9, 2022
New Yerseytik Georgiako Fulton espetxera hegazkin pribatuan iritsi, fitxa poliziala egin eta 200.000 dolarreko fiantza ordainduta 20 minuturen bueltan kanpoan zen berriro. Ikusmira handia sortu du fitxa polizialak.
Ez da lehen aldia Donald Trump AEBetako presidente ohia epaitzen dutena. Oraingoan, ordea, lau kargu leporatuta inputatu dute. Horien artean, 2020ko hauteskundeen emaitzak faltsutzea eta 2021eko Kapitolioko erasoa sustatzea. Gaur pasako da epailearen aurretik.
Etxe Zuria utzi ostean gobernuko dokumentu konfidentzialak gordetzea egotzi diote AEBetako lehendakari ohiari. Lehen aldia da bertako lehendakari ohi bat federalki epaitzen dutena.
AEBetako lehendakariak Mar-A-Lago-ko Floridako bere etxean hainbat agiri sekretu ofizial gorde zituen bere agintaldian eta hori dela eta zazpi delitu egozten dizkiote.