Diada garrantzitsuenetik, Kataluniako Errepublikari so

Zuzeneko jarraipena
  • Kataluniako Diada ospatzen da astelehen honetan, begiak urriaren 1aren erreferendumean jarrita eta baita Kataluniako Errepublikan ere. Irailaren 6an eta 7an Kataluniako Legebiltzarrean Errreferendumaren Legea eta Deskonexio Legea onartu ondoren, herrialdeak zurrunbiloa bizi du Madrilgo errepresio neurriak eta urriaren 1eko erreferendumaren artean. Hasi da azken urteotako Diadarik bereziena eta hemen egingo diogu jarraipena egunean zehar.

    Ekitaldi ugari daude Katalunian zehar, baina garrantzitsuena arratsaldeko Bartzelonako manifestazioa izango da. Gràcia pasealekua, Aragoi kalea eta Kataluniako Plazan egingo da bilkurarik handiena eta bi kaleak eta plaza betez gurutze erraldoi bat irudikatuko dute gehitu –"+"– sinboloa irudikatuz, herritarrak proiektu independentistara gehitzeari dei eginez.

Proces Constituent: "Prozesua eginez, guztiaz erabakitzeko"
Argazkia: La Directa

Eguerdian Procés Constituent ekimenekoek bilkura egin du Bartzelonako burtsaren aurrean. Arcadi Oliveres eta Teresa Forcades azaldu dute dute leloaren mamia zen den: "Prozesua eginez, guztiaz erabakitzeko". La Directa hedabideak jaso duenez, bertan izan dira baita ere CUPeko Eulalia Reguant diputatua, En Comúko Jaume Asens -Bartzelonako alkateordea– eta, Podem-eko buru eta  Albano-Dante Fachin. Ekitaldian zehar, partehartzaile batek oihu egin dio Asensi "jarri hautetsontziak", eta honek ihardetsi dio "bai, jarriko ditugu.

 

Bartzelonan botoa eman ahal izango dela adierazi dio Colauk Rajoyri

Bartzelonako herritarrek erreferendumean botoa eman ahal izan dezaten ahal duena egingo duela esan du Ada Colau hiriko alkateak. Mariano Rajoy Espainiako Gobernuko lehendakariari esan dio, utzi diezaiola epaile eta fiskalen atzean gordetzeari eta "albora dezala erreferendumaren kriminalizazioa". Rafael Casanovari lore eskaintza egitean egin ditu adierazpenak Colauk.

"Espainiak indarra erabiliz gero, Parlamentuak independentzia aldarrika dezake"
Argazkia: El Nacional

"Espainiak erreferenduma indarrez gelditzen badu, posible litzateke Kataluniako Parlamentuak independentzia mahai gainean jartzea". Hori da El Nacional agerkari digitalean Kataluniako Asanblea Nazionaleko (ANC) lehendakari Jordi Sanchezek elkarrizketa batean esan duena.

Independentzia oihuak eta txalo zaparrada San Mamesen Kataluniarekin elkartasunez

Athleticen eta Gironaren arteko gizonezkoan futbol partida jokatzen ari zeneko hamaikagarren minutuan txalo zaparrada eta independentziaren aldeko oihuak izan dira, Diada egunarekin elkartasunez.

Eguerdian kontzentrazio txiki bat egin dute bi taldeetako zaleek eta bertatik zabaldu dute deialdia. Estelada eta senyerak ugari atera dituzte oihu eta txaloen artean.

Bestalde, Iñigo Cabacas Herri Harmaileko kideek partidutik alde egin dute bandera eta afixak eramatea debekatu dietelako.

Iñigo Cabacas herri harmailatik joan zireneko unea

 

Puigdemont: "Dena prest dago eta urriaren 1ean erreferenduma egingo da berme guztiekin"

Goizeko 9etatik aurrera herritar eta agintari Rafael Casanovaren monumentuan lore eskaintzak egiten ari dira. Casanova Bartzelonako agintaria zen Espainiako armadak 1713-1714an hiria setiatu eta hartu zuenean. Gerraren heroietakoa izan zen eta, Kataluniako askatasunen defendatzaile gisa, urtero omentzen dute Diada egunean.

Carles Puigdemont presidendea izan da lore eskaintza egiten lehenetakoa. Atzo ere ekitaldi instituzionala egin zuen El Born-en eta bertan esan zuen "Gobernuak dena prest duela" erreferenduma egiteko. Adierazi zuen siatu direla "erreferenduma Espainiako Gobernuaren adostasunez egiten", baina ez dela posible izan. Hala ere, azpimarratu zuen, "dena prest dago eta berme guztiekin egingo da urriaren 1ean".

 


Kanal honetatik interesatuko zaizu: Kataluniako erreferenduma
Ponsati ez da agertu Auzitegi Gorenean zeukan hitzordura

Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.


2022-09-14 | ARGIA
Espainiako Defentsa Ministerioa harrapatu dute Kataluniako erreferendumaren Wikipediako erreferentzia bat moldatzen

Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]


2022-08-31 | ARGIA
Kataluniako buruzagi independentisten eskubideak urratu zituen Espainiako Estatuak, NBEren arabera

Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.


2022-05-25 | ARGIA
Kataluniako presoen indultuak berrikusiko ditu Espainiako Epaitegi Gorenak

Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.


Eguneraketa berriak daude