Bultza kazetaritza independentea
Banaka-banaka 2.275 sinadura bildu dituzte Deustuko Gazte Lokalaren Aldeko Plataformako kideek, XIX. mendeko eraikinaren eraisketa gelditzeko xedez. Aurrerantzean Change.org web gunean jarraituko dute sinadurak biltzen.
Udal Erregistrora sinadurak eraman aurretik, Udaletxeko eskaileretan kontzentratu dira hainbat deustuar. Gazte Lokalaren eraikina mantentzeko hainbat arrazoi azpimarratu dituzte, besteak beste, "Olentzero, inauteriak, jaiak zein beste hainbat doako jarduera" posible egiten dituelako, Deustu independente izan zeneko "Deustuko Udalaren azken eraikina" delako, gaur egun arte "egoera onean" iraun duelako, eta berari esker Deustuk "izaera herritar eta komunitarioa erabat galdu ez duelako".
Udalak publikoki adierazi du eraikina eraitsia izango dela eta bere lekuan etxebizitzak eraikiko dituela. Asmo horren aurrean, joan den abenduan, Deustuko Gazte Lokala mantendua izan dadin eskatzeko sinadurak biltzeari ekin zioten plataformako lagunek. Hain zuzen ere, Udaleko Ondare Batzordeari eskatu diote txerta dezala XIX. mendeko eraikina berritze bidean dagoen HAPO-PGOUren Eraikinen Katalogoan. Eskaera hori 2.275 lagunek babestu dute euren sinadurarekin.
Ekintza honekin ez diote babes bilketari amaiera emango. Aurrerantzean, sinadurak plataformaren blogean eta Change.org gunean online biltzen jarraituko dute "orain arteko atxikimenduei berriak batuz".
Albiste hau Bilboko Uriolak argitaratu du eta Creative Commons lizentziari esker ekarri dugu.
Hego Euskal Herriko lau hiriburuetan egin dituzte mobilizazioak ostegun eguerdian, "hezkuntza euskaraz izango da" lelopean. Euskal Herrian ikasketa prozesua euskaraz egiteko zailtasunak salatu eta ikas prozesua %100ean euskaraz izatea bermatu dadila eskatu... [+]
Gaur errazagoa omen da munduaren amaiera irudikatzea patriarkatuaren eta kapitalismoaren amaiera imajinatzea baino. Hori irakurri nien, beste gauza askoren artean, Eraitz Saezi eta Lur Albizuri Gureak ere badira, desira, boterea, epika liburuan, eta egia da. Espektatiben krisi... [+]
Aurreko larunbatean, elkartasun egitarau baten barruan, manifestazio bat izan zen Zestoan, Elizari birjabetutako Gaztetxe berriari babesa emateko. Huste arriskuan jarraitzen du Gaztetxeak, baina Gazte Asanbladako kideek adierazi dute ez dutela "amore emango Zestoari merezi... [+]
Unai Isasi Azkarraga (Amurrio, 1998) gazte amurrioarra atxilotu zuen Ertzaintzak iragan ostiralean Gasteizen; 1976ko martxoaren 3ko sarraskia gogoratzen zuen manifestazioaren testuinguruan. Atxiloketaren inguruan mintzatu da Aiaraldea Komunikabidearekin.
