ARGIA.eus

2022ko urtarrilaren 22a

Deliveroo janari banaketa enpresa Hego Euskal Herritik joan da

  • Espainiako Estatutik irten da Deliveroo, eta 3.800 langile inguru kaleratu ditu. Udan iragarri zuen estatutik irteteko asmoa, Espainiako Gobernuak Rider Legea ezarri zuenean. “Merkatuaren bideraezintasuna” argudiatu dute.

Leire Artola Arin @aleirea
2021eko azaroaren 29a
Hainbat salaketa jarri dizkiote Deliveroori banatzaileak "autonomo faltsu" gisa edukitzeagatik. / Argazkia: Gerry Popplestone.

Britainia Handiko janari banaketa enpresa handia da Deliveroo, eta aurrerantzean ez dute Hego Euskal Herrian lan egingo. Enpresak udan iragarri zuenez, “merkatuaren bideraezintasuna” argudiatuta Espainiako Estatutik alde egitea erabaki du. Jakinarazi dute kaleratze kolektiboa egin dutela: 3.800 langile inguru kaleratu dituzte, haietatik 100 enpresaren egituran jarduten zutenak eta gainerako guztiak rider edo banatzaileak.

Ez da kasualitatea sei urteren ostean orain Espainiako Estatutik joatea, izan ere, Espainiako Gobernuak abuztuan Rider Legea ezarri zuen. Lege horrek derrigortu egiten ditu banaketa enpresak banatzaile gisa dituzten “autonomo faltsuak” kontratatzera; horrela, riderrek ostalaritzako beste langileen lan-baldintza berak izatea bermatu nahi dute. Deliverook adierazi du legea betetzeko eta Glovo eta Uber Eats gisako enpresekin lehiatzeko “inbertsio oso altuak” egin beharko lituzketela, eta errentagarritasuna “oso ziurgabea” litzatekeela; enpresaren bideragarritasun ekonomikoari eragin ziezaiokeela ikusita, nahiago izan dute estatutik irten. Deliverook hainbat salaketa izan ditu urte hauetan guztietan, banatzaileak autonomo faltsu gisa edukitzeagatik.

Kaleratze kolektiboa

Abuztuan Deliveroo banatzaileei lan-kontratuak egiten hasi zen, baina ez riderren baldintzak hobetu nahian, baizik eta orain, enpresaren irteera egiterakoan, kaleratze kolektiboa egin ahal izateko. Enpresak azpimarratu du kaleratzeengatiko kalte-ordain “egokiak” adostu dituztela langileekin, bai langileentzat, bai enpresarentzat ere. Eldiario.es atariak argitaratu duenez, lan egindako urte bakoitzeko 45 eguneko soldata hitzartu dute, 1.000 euroko gutxienekoarekin.

Kanal hauetan artxibatua: Prekarietatea  |  Hego Euskal Herria

Prekarietatea kanaletik interesatuko zaizu...
Baionan greba deialdia egin dute berriz medikuntza sozialeko langileek

Pasa den astean, 400 langile inguru batu ziren Lapurdiko hiriburuan, medikuntza sozialeko beharginek Segur lege sortarekin jasan beharko dituzten murrizketak salatzeko. Datozen egunetarako greba deialdia ere berretsi dute.


Xabier Ugartemendia (LAB)
“Lan baldintzen aldeko konfrontazioan eta euskal esparruan sinisten dugu”

LABeko Ekintza Sindikaleko eta Negoziazio Kolektiboko idazkariak borrokaren bidez eragiteko aukera dagoela uste du, eta urtarrilaren 30eko mobilizaziorako deia egiten du.


2022-01-19 | ARGIA
Langile bat hil da Pipaonen, urteko laugarrena

Pipaongo (Araba) baso batean inausketa lanetan ari zela hil da, adar handi bat gainera erorita.


Arkaitz Antizar (CCOO)
“Bizi baldintzak hobetzeko eseri eta edukiak negoziatu behar ditugu”

Arkaitz Antizar CCOO Euskadiko Gazteria idazkaria eta batzorde exekutiboko kidea da. Lan erreformarako akordioaren egileetariko bat izan da CCOO, lan legediaren orain arteko norabidea aldatzen duelakoan. Hala ere, aurreko erreforma partzialki soilik derogatu duela ikusita, berau... [+]


Pello Igeregi (ELA)
“Mobilizazioaren bitartez hobekuntza errealak ekarri nahi ditugu”

Lege Dekretua atzera botatzea da aurreko lan erreformak indargabetzeko bide eraginkorrena, ELAren iritziz, eta horretarako mobilizazioak antolatu ditu.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude