Harkaitz Cano idazleak eta Beñat Barandiaran gitarra-joleak Sidecar arima izeneko emanaldi berezia eskainiko dute gaur Bilboko Arriaga antzokian 20:00etatik aurrera. Literatura eta musika euskaraz egitasmoaren baitan dagoen ikuskizunean, Canok poesia errezitaldia egingo du, Barandiaranen musikaz lagunduta. Sarrerak 10 eurotan eskura daitezke Arriaga Antzokiko webgunean, BBKren kutxazainetan eta 944310310 telefono zenbakira deituta. ARGIAk lagundutako ekitaldia da.