Donostiako Jazzaldiko antolatzaileek jaialdiaren 41. edizioa aurkeztu dute. Jazzaldia uztailaren 21etik 26ra egingo da eta hainbat musikari ezagunek hartuko dute parte. Hala nola, Keith Jarrett, McCoy Tyner eta Herbie Hancock piano jotzaileak, Erykah Badu musikaria, Caetano Veloso abeslaria eta Jazz Jamaica kolektiboa izango dira. Iazko 106.000 ikusleen kopurua berdintzea da antolatzaileen helburua.