Kaskezur disko berriarekin dator, bost urteren ondoren
Rock alternatiboa egiten duen laukote baztandarrak 2019an kaleratu zuen Ihesi doaz animaliak, eta pandemia heldu zenez geroztik isilik egon da. Orain arte. Seigarren lana izango du Deus (Usopop, 2024). Lehen singlea kaleratu dute, Egia, begira deiturikoa, eta azaroaren 11n estreinatuko diskoa.
.jpg)
Satorrarena, sator aritu gabe. Burua atera du kobazulotik Kaskezur talde nafarrak, bost urteko isilaldiaren ondotik, bitarte horretan deus pasako ez balitz bezala (pandemia!). Etxean entzerratu beharrak eragin zuen Kaskezurren eta gameluen –aurreko diskoaren portadako irudia– geldialdi praktikoa ere. Baina erabat geldirik ez dira egon: Mendiak 1976 dokumentalerako kantua egin zuten duela bi urte.
Entzerratze behartua amaiturik, bistan da, munduak bere horretan –edo okerrago– segitzen du, baita Kaskezurren inkonformismoak ere. Lehen mintzagaia, barrura begirakoa: “Deus ez da ezer eta zerbait da. Gu ere zerbait gara eta ez gara ezer”. Horixe azaldu dute prentsa oharrean eta gogoeta distortsionatuagoak ere egin dituzte: “Nola azaldu zer den edo zer ez den kantu-bilduma hau? Betiko jolasean jarraitzen dugu guk”.
Betiko maneran, baina beti-betikoa izan gabe. 2008an lehen pausoak eman zituztenetik, aldatu dira zenbait gauza. Esaterako, Azpisugeak (Mukuru, 2017) diskotik Ihesi doaz animaliak-era (Mukuru, 2019) soinuak gardenago egin bazituzten, Gorka Bereziartuak elkarrizketa honetan jaso moduan, orain urrats bat gehiago eman dute bide horretan. Argi nabari daiteke hori Deus (Usopop, 2024) disko berriko Egia, begira aurrerapen-abestian. Memoria oneko –edo sarean berrarakatzen duen– entzule fidelak aurreko diskoko Animaliak abestiaren amaieraren tankera hartuko dio. Biak elkarren segidan entzunda, ordea, berehala ohartzen da bat ahotsak bestelako tonua duela, garbiago grabatua dagoela, baina, bestelakotuta ere, izaera bortitzak hor egoten jarraitzen duela.
Ez dugu galdu aukera, bizitzakoa / Ez dugu galdu ere ez, bizitzekoa. Hitz horiekin hasten da Egia begira kantua, baina aurretik badute emakume ahotsezko koro bat, bibra onez, baieztapenaz gaindiko mezua abesten duena: Nola galdu aukera, bizitzarena / Nola galdu ere, bizitzekoa. Geroxeago diote kantuan, erabakiak zero, damuak gero; eta iraganeko ahalegin eta eginei aitortza: Egin genuena, egingo duguna baino gehiago baita. Eta han, pentsamendua iristen ez den leku hutsean. Egia, begira. Egia, begira.
Aurrera “beldurrik gabe” segitzeko aldarria, ez dutelako deus galtzeko, “eta deus galtzen badugu ere, berdin”. Hori esanda, aurreko diskoko Buztinezkoa kantuko aldarria berreskuratu du taldeak, “librea, naturala, jarraia eta ibiltaria”.
Deus, azaroaren 11n argitara
Berrituta dator Kaskezur, disko berriarekin ez ezik, Usopop diskoetxearekin estreinako lana baitu Deus. Besteak beste, Haira, Rüdiger eta Bananas taldeen argitaletxe baxe-nafartarra da Usopop.
Seigarren diskoa izango du Kaskezurrek. Azpisugeak-en teklarekin asmatu eta Ihesi doaz animaliak-en egonkortasuna topatu ostean, mantso eta poliki, ildo berari jarraikiz, detailetxoak sartu dizkiote diskoan.
Taldearen ohiko laukotea ekainaren hasieran egon zen grabaketa-lanetan. Zortzi abesti izango ditu guztira; Egia begira aurrerapen-kantuaz gain, hauek: Lotsaren teoria, Heldu eta badoa, Merkealdian, Algoerritmo, Hondamendia, Ginen herenegun eta Heldu gara mugara.
Euskal Herriko Gazte Orkestra. Neguko topaketa
Zuzendaria: Iker Sánchez.
Narratzailea: Kepa Errasti.
Egitaraua: Britten eta Beethovenen lanak.
Lekua: Donostiako Victoria Eugenia antzokia.
Eguna: urtarrilaren 2a.
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Urte berri goiza Joxe Ansorenak, gure aitona Isidroren anaiak, sortutako biribilketa baten izenburua da, urteberri goizean txistulariek kalez kale jo zezaten asmatua. Doinu horren airean, gaueko kondarrak bilduz joaten ginen, zabor kamioiak bezala. Behin, Sakito mozkor galanta... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Euskal kulturako berritasunak ezagutu nahi dituenak eta egile zein argitaletxeei zuzenean erosi nahi dizkienak urtean zehar baditu hainbat azoka eta ekimen aukeran. Urte askotako tradizioa dute horietako batzuek eta berriagoak dira besteak; tematikoak dira horietako asko eta... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
1974ko abenduan sortu zuten Bagare kanta Gontzal Mendibil zeanuriarrak eta Bittor Kapanagak, haren Olaetako (Aramaio) baserrian. Euskararen eta euskal nortasunaren aldeko ereserki bilakatu zen gerora.
Benito Lertxundi 60 urte iraun duen kantugintza uzten zuela jakinarazi du Durangoko azoka aitzin. 2023an Gernikan grabatu zuen kontzertu baten diskoarekin bururatuko du bere ibilbide handia bezain aberatsa. Bazuen urtea hartua zuela erabakia, ez da erraza izan horren berri... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Elur faltak eski estazio ugari kinka txarrean jarri ditu, klima larrialdiaren ondorioz. Baina paisaiari eta naturari ahalik eta etekin ekonomiko handiena ateratzeko batzuen logikak hor jarraitzen du, eta goi mendietan musika festibal erraldoi eta garestiak antolatzea da azken... [+]