Bilboko Mercadonak ateak itxiko ditu Udalak legez kontra lur-saila birkalifikatzeagatik

  • Miribillako Urretxindorra Ikastolaren patioa zenaren lurren kalifikazioa aldatu zuen Bilboko Udalak, Mercadonak bere supermerkatua egiteko. Lurrak legez kontra birkalifikatu zituela ebatzi du EAEko Auzitegi Gorenak. Beraz, supermerkatu kate handiak ateak itxi beharko ditu Bilbon.

Axier Lopez @axierL
2017ko azaroaren 10a

Mercadonatik gertu dauden merkataritza-gune bateko saltzaileek epaitegietan salatu zuten Mercadonaren etorrerak haien jardun ekonomikoa kaltetuko zuela. Auzi horren harira, EAEko Auzitegi Gorenak ebatzi berri du Juan Mari Aburto Bilboko alkatearen gobernuak lurren birkalifikazioa legez kontra egin zuela. Kalte-ordainak eska ditzakete inguruko merkatariek eta Mercadonak berak.

Ez da ziurra zer gertatuko den eraikinarekin, baina eraisteko aukera mahai gainean dago. Edozelan ere, Mercadonak supermerkatua itxi beharko dute. Miribillako Mercadonak 2016ko azaroan ireki zituen ateak, hiru milioiko inbertsioa eginda.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Merkataritza  |  EAJ  |  Bilbo

Merkataritza kanaletik interesatuko zaizu...
Azkenak
EGILEA
Eguneraketa berriak daude