argia.eus
INPRIMATU
Bi egunetan 13 mahai-inguru Europako 17 hizkuntzaren biziberritze-prozesuez
  • Ekainaren 23 eta 24an egingo dira Hitzargiak topaketak Hernanin. Soziolinguistika Klusterrak antolatu du esperientzien trukegunea, Donostia 2016ren barruan.

ARGIA @argia 2016ko ekainaren 17a
Europan egiten diren 'Korrikei' buruz hitz egingo dute topaketetan. Argazkia: Dani Blanco.

Hitzargiak egitasmoan Europako 13 herrialdetako eragileak ari dira parte hartzen eta 25 hizkuntza lantzen dituzte. Ekaineko topaketetan 17 hizkuntzatako eragileak bilduko dira Orona Fundazioaren Ideo eraikinean, Hernanin.

Hamaika mahai-inguru eta bi elkarrizketa prestatu dituzte. Ekitaldion izenburuek bi egunez landuko dituzten gaien nondik norakoa adierazten dute.

-Antzokiak, aisiagune herritarrentzat, arnasgune hizkuntzentzat.

-Komunikabideak, gizarte eleaniztunak eraikitzen laguntzeko.

-Jatorri anitzeko hiztunak, bertakora hurbiltzen.

-Hizkuntza txikien alde korrika.

-Heldu aroan hizkuntza ikastearen garrantzia.

-Hizkuntza ekonomiaren sustatzaile.

-Ahozko ondarea: hizkuntzen balioa hiztunen mintzoan.

-Haur eskolak: hazi eta hezi, hizkuntza ardatz.

-Hizkuntzak garatzeko teknologiak.

-Transmisioa: etxean nola, munduan hala.

-Akademien eginkizuna hizkuntza gutxituen kasuan.

-Mintzapraktika: buruz buru, ahoz aho (elkarrizketa)

-Hizkuntzen garrantzia lurralde antolaketan (elkarrizketa)

Egitarau osoa lotura honetan dago.