Bi asteko ultimatuma eman diote Asuncion klinikako langileek zuzendaritzari

  • Asuncion klinikako langileek epea jarri diote Inviza enpresari negoziazio mahaia deitu dezan. Gaur, 18:00etan Plaza Zaharretik manifestazioa egingo dute eta enpresari "seriotasunez" negoziatzen hasteko eskatuko diote.

Tolosaldeko Ataria @tolosaldeataria
2018ko otsailaren 28a

Gaurkoarekin batera, datozen 15 egunetan mobilizazio gehiago egingo dituztela iragarri dute Asuncion klinikako langileek, baina orain arteko lanuzteak bertan behera utziko dituzte.

ELA eta LABek deituta, bi hilabete dira mobilizazioekin hasi zirela eta hainbat lanuzte eta greba egun egin dituztela klinikan eta gaur egindako agerraldian langileek azaldu dutenez, "egoerak ez du hobera egin". Bizi duten egoeraren berri eman dute: "Pertsonal falta egunerokotasunean ohiko bihurtu da, ratioak beste ospitaletan baino altuagoak dira eta ondorioz, lan karga handiagoak ditugu. Klinikako langileak hanka egiten hasi dira baldintza tamalgarrien ondorioz".

Lan baldintzen prekarizazio "sistematikoa" salatu dute langileek eta guzti horrek Tolosaldeko osasun zerbitzuan eragina duela uste dute, 31 herriek pairatzen dutela egoera hori. "Azpiegiturak tamalgarriak dira eta hauetan ez da inbertsio minimoa ere egiten". 2010etik lan hitzarmena berritu gabe dute Asuncion klinikako langileek eta 2013tik negoziazio mahaian ez dute akordiorik lortu, aurrerapauso nabarmenik ez da eman. "Enpresak jarrera lotsagarria du eta beraiek aberasten jarraitzen duten bitartean, gure lan eroste ahalmenean galera ikaragarria jaso dugu azken urteotan", esan dute langileek.

Invizak langile kopurua handitu badu ere, ebentualitatea geroz eta handiagoa dela uste dute langile komiteko kideek eta kontratuetan irregulartasunak, "eguneroko errealitatea" direla salatu dute. Adibide bat ere jarri dute: "lan egitera joateagatik ordaindu behar dugu; klinikako parkinga Montoya jaunarena da eta Geusa enpresaren bitartez kudeatzen du, hortaz, guk egunero bere irabaziak handitzen laguntzen diogu".

Jaurlaritzarekin harremana

Asuncion klinikako langileen lan jardunak, osasun publikoan lan egiten dutenena baino altuagoa dela esan dute gaurko agerraldian. "Orain oposizioak datoz eta administrazio publikoarentzat lan egin arren, gure lan esperientzia ez dute baloratzen". Langileen iritzian klinikak duen kontzertu ekonomikoaren baldintzak ez dira betetzen, "eta gainera irabaziak edukitzea zilegitzat ematen dute".

Egoera "larri" honen aurrean Eusko Jaurlaritzako osasun sailburuari bilera eskatu zioten langileek eta otsailaren 14an bildu ziren osasun sailarekin. Bileraren ostean, ordea, ez dute aldaketarik nabaritu, zerbitzua "geroz eta prekarioagoa" baita. "Gai honetan berehala esku hartu dezala" eskatu diote, berriz, Jon Darpon sailburuari. Otsailaren 21ean Eusko Legebiltzarrean euren egoera azaltzeko aukera izan zuten langileek EH Bilduren eskutik eta bizi duten egoera "larria" azaldu zieten legebiltzarkideei.

Amaitzeko eskerrak eman dizkiete Tolosaldeko biztanleei, "gure borrokan egunez egun bide lagun izateagatik". Euren egoera sozializatzen lagundu duten komunikabideen lana eskertu eta babesa agertu dieten alderdi politikoak eta alboan izan dituzten gizarte eragileekin akordatu dira.

Bi asteko epea eman diote Inviza enpresari negoziazio mahaia deitu dezan eta "behingoz seriotasunez" negoziatzen hasi dadin. Hori eskatzeko mobilizazioa izango da gaur arratsaldean, 18:00etan, Tolosako Plaza Zaharretik abiatuta.

Albiste hau Tolosaldeko Atariak argitaratu du eta CC-By-SA bidez ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Osasuna  |  Langile borroka  |  Tolosa

Osasuna kanaletik interesatuko zaizu...
Oposizioak eta sindikatuek uste dute ez direla nahikoa ikertu Osakidetzako oposaketei jarritako salaketak

Hemeretzi kategoriatan jarri zituzten salaketak eta zortzi bakarrik ikertu dituzte.


Osakidetzak hiru espezialitatetako bost azterketa bakarrik errepikatuko ditu eta ez ditu epaimahaiak aldatuko

Angiologia eta Kirurgia Baskularreko bi, Anestesiako bi eta Kardiologiako azterketa bat dira errepikatuko dituztenak.


Higienea
Gehiegi garbitzearen paradoxa

Gorputza garbitzea ez da beti osasun kontua, ezta osasungarria ere. Egunean behin edo sarriago egitea da gaur egun normalena. Ohitura kultural hau, baina, batzuetan kaltegarria gerta liteke azalarentzat.


2018-09-11 | Urumeako Kronika
Pediatria zerbitzu duin baten alde, Goizuetako gurasoak

Leitza, Areso, Goizueta eta Aranoko herritarrak mobilizatzen ari dira, Nafarroako Gobernuko Osasun Sailari eskatzeko Leitza eta Goizuetako Osasun Etxeetan pediatria zerbitzua bermatu dezala, eta kontuan har dezala bertako hizkuntza errealitatea; hau da, haurren hizkuntza eskubideak bermatzeko, pediatrak euskaldunak izatea.


2018-09-05 | Nahia Ibarzabal
EITBk iktusaren kontrako maratoian jasotako 108.000 euro ez dira ikerketara bideratu

EITBk abenduaren 14an iktusaren kontrako tele-maratoian jasotako diruaren %73 besterik ez dio eman BIOEF fundazioari, Garak argitaratu duenez.


Itzultzaile automatikoa

Pablo Llarena epailearen demandak agerian utzi digu itzulpenaren garrantzia. Itzulpen txar baten eraginez, baldintza den esaldia baiezko bihurtzen bada, ondorio juridikoak oso desberdinak izan daitezke.


2018-09-02 | Ane Labaka Mayoz
María Jesús Balbás
"Menopausia okerren bizi dugunak europarrak gara"

María Jesús Balbás Medikuntzan eta Kirurgian lizentziatua da, esperientzia handiko homeopata eta ginekologoa. 2008an Bueno chicas, esto se acabó: Una guía para desdramatizar la menopausia (Neskak, hau bukatu da: Menopausia desdramatizatzeko gida) eta 2009an Guía para una menopausia (casi) perfecta (Menopausia -ia- biribila izateko gida) liburuak idatziak ditu. Zarautzen dauka kontsulta. Elkarrizketan menopausia duen emakume ahul, triste, antzu eta... [+]


Dewayne Johnsonen minbiziak balioko ote du Roundupa debekatzeko?

Monsantok 289 milioi dolar ordaindu beharko dizkio San Frantziskoko udal langile bati Roundup herbizidak eragin duelako gizona hil-hurren daukan minbizia. Hala ebatzi du abuztuaren 11n Kaliforniako epaitegi batek. Epai historikoak berriro atera du eztabaida publikora munduan gehien kontsumitutako herbizida kimiko aspalditik susmagarria. Balioko du nekazaritza industrialaren oinarrietako bat dena debekatzeko? Ala nekazari profesional eta amateurrek jarraituko dute itsu erabiltzen?


2018-08-10 | Marea Urdina
Marea Urdina
MULTIMEDIA - dokumentala

Autismoa gizarteratzeko asmoz, uztailaren 7an eta 8an ehunka lagunek osatu zuten Marea Urdinak antolatutako Saturraran-Hondarribia itsas zeharkaldia. Horren inguruko dokumentala sareratu du Marea Urdinak; igeri egin zuten lagunei eta urte osoan ekimena sustatu dutenei esker ona adierazteko.


Azkenak
EGILEA
Eguneraketa berriak daude