ARGIA.eus

2021eko apirilaren 20a

Beste 494 pertsona sartu dira martxoan langabezian Hego Euskal Herrian

  • Denera 172.508 dira martxo bukaeran Hego Euskal Herrian langabezian dauden lagunak, otsailean baino 494 gehiago. Nafarroa da langabeziak behera egin duen lurralde bakarra, baina Nafarroa da baita ere 2020an langabe gehien pilatu dituena.

ARGIA @argia
2021eko apirilaren 06a

Langabeen zifrari gehitu behar zaio aldi baterako enplegu erregulazioan dauden langileak: 34.996. Martxoan, behera egin du enplegu erregulazioan daudenen kopuruak –otsailean baino 11.598 gutxiago dira orain–.

Langabeziak behera egin du Nafarroan, baina kontuan hartu behar da Nafarroa dela 2020an bilakaerarik okerrena izan duen lurraldea, eta iazko martxoan baino 5.122 langabe gehiago ditu uneotan.

Enplegu bulegoetan erregistratuta dauden langabeen artean, gehiengoa emakumeak dira (%56,2).

Behin-behineko kontratuak

Martxoan egin diren kontratuen %12,3 mugagabeak dira, azkenaldiko kopururik handiena. Halere, ELA sindikatuak ohartarazi du kontratuen behin-behinekotasunak oso altua izaten jarraitzen duela –martxoan sinatutako kontratuen ia %88–.

ELAren hitzetan, “agenda sozial argia bultzatu behar da, pentsioen erreformak eta lan-erreformak bertan behera uzteko. Premiazkoa deritzogu lan-erreformak indargabetzea, gure herrialdeetan lan-baldintzak negoziatzeko eskubidea aitortzeko”.

Kolpe gogorra langile gazteei

LAB sindikatuak azpimarratu du jada egoera ahulenean zeuden pertsonak eta kolektiboak direla ondorio txarrenak jasaten ari direnak. “Ildo horretan, nabarmentzekoa da gazteriak jaso duen kolpe gogorra, lan-ikuspegitik gehien zigortutako gizarte-sektorea baita. Zehazki, epidemia hasi zenetik, 35 urtetik beherako gazteen artean erregistratutako langabeziak %37 egin du gora”.

LABek salatu duenez, “lan-merkatuaren egiturazko arazoei, hala nola gazteen langabezia-tasa handiari eta Europako behin-behinekotasun-maila handienei, orain kontratazioaren beherakada eta lan-aukerarik eza gehitu behar zaizkie, pandemiaren ondorioengatik”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Langabezia  |  ELA  |  LAB  |  Hego Euskal Herria

Langabezia kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude