Bertan behera geratu da Argentina eta Israelen arteko futbol partida

  • Larunbatean zen jokatzeko partida baina AFAk asteartean argitaratutako idatzian segurtasun arazoengatik ez zirela joango iragarri zuen.

Asier Gonzalez de San Pedro @asiertxiki98
2018ko ekainaren 08a
Jerusalemeko Teddy Kollek estadioa. Argazkia: Little savage.

Partida Haifan jokatzekoa zen hasiera batean eta argentinarrek jolasteko intentzio oso zuten baina Israelgo Kultura eta Kiroletako ministroak partida Jerusalemera aldatu zuen eta orduan hasi ziren arazoak.

Palestinako futbol federazioak ez zion arazorik jartzen Haifen partida jokatzeari baina Jerusalemera aldatzean kexatu egin ziren eta adierazi zuen Israel Messi eta beste izarrak “tresna politiko” bezala erabiltzen ari zirela. Israelek okupatutako eremuan jokatuko zela  gehitu zuen eta horrek “ nazioarteko legedia eta giza eskubideak” urratzen dituztela uste dute. Gainera, estadioa Nakban, arabiar eta israeldarren artekon gudaren ondoriozko palestinar exodoan, txikitutako 500 herrietako batean dago.

Argentinak, Uruguay eta Paraguayrekin batera, 2030eko Mundu Txapelketa antolatu nahi du. Palestinarrek hau jakinda mehatxua egin zieten boikot kanpaina bat egingo zutela herrialde arabiarretan hiru herrialde hauei ez egokitzeko 2030eko Munduko Txapelketaren antolakuntza.

Bartzelonan oihartzuna izan du albisteak han baitzegoen Argentinako futbol selekzioa Munduko Txapelketa prestatzen. Campanya Boicot, Desinversions i Sancionsek elkarretaratzea egin zuen Argentinaren entrenamendu zelaian Argentinako kamisetek odola izango balute bezala irudikatuz. Gainera, partida jokatzeko hiru milioi dólar ordaindu du Israelek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Israeli boikota  |  Israel

Israeli boikota kanaletik interesatuko zaizu...
Azkenak
EGILEA
Eguneraketa berriak daude