Berango Lurraren Defentsan taldeak jakinarazi duenez, haien kideetako batek epaitegian deklaratu behar izan du Amenabar Etxegintza Bizkaia S.L. enpresa eraikitzaileak haren kontrako salaketa jarri ondoren. Horrez gainera, talde ekologistak deitoratu duenez, taldekide guztiak identifikatzeko eskatu ei die enpresak poliziari: "Taldekide guztiak epaitu nahi dituzte 'kalteak eta indarkeria' delituak leporatuta".
Berango Lurraren Defentsan taldeak informatu duenaren arabera, Amenabar enpresaren bulegoetan kartelak itsastea egotzi gura diete talde ekologistako kideei. Ekimen horretan ez zuten inor harrapatu, eta, ondorioz, prentsan berba egin duen kideetako bat salatu ei dutela deitoratu du talde ekologistak.
Horrez gainera, Berangoko taldeak azpimarratu du enpresa eraikitzaileak ekologisten sare sozialak erabili dituen edonor identifikatu eta epaitu gura dutela, eta, horretarako, ordenagailuen IP-helbideak eskatu dituztela.
Daborduko kideetako batek epailearen aurrean deklaratu behar izan du, baina, momentuz, kasua artxibatuta dago IP-helbide horiek lortu artean.
Egoera horren aurrean, Berango Lurraren Defentsak galdetu du ea zergatik lurrak "ilegalki" saltzeak ondorio legalik ez duen, baina horren inguruan informatzeak bai. Hori salatzeko, elkarretaratzea egingo dute gaur, barikuan, Sabino Arana kalean, 19:00etan.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]
2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]