Bateragune auzia. Galdera orokorrak

  • Bateragune auzia presentzia handia izaten ari da Euskal Herriko eta Espainiar estatuko komunikabideetan. Hala ere, zer da Bateragune auzia? Nor epaitzen da? Zergatik? Zer zigor eskaera dauzkate? Galdera hauen erantzunak topatuko dituzu irakurtzen jarraitzen baduzu.

2011ko ekainaren 27a
Arnaldo Otegi Auzitegi Nazionalean

Zer da Bateragune auzia?

Gaur goizean hasi eta uztailaren 7ra bitarte iraungo duen epaiketa izendatzen da horrela, Madrilgo Auzitegi Nazionalean. Bertan ezker abertzaleko zortzi kide epaituko dira ETAren aginduz ilegalizatutako Batasuna birsortu nahi zutela egotzita. 2009ko urriaren 13an atxilotu zituzten Donostiako LABeko egoitzan bilera bat egiten ari zirenean. Ezker abertzaleko kideek salatu dutenez, Bateragune auzia epaiketa politikoa da. Auzipetuek ezker abertzalearen barnean estrategia aldaketa bultzatu nahi zuten, borroka armatuaren aroa amaitu eta bide demokratiko eta baketsuan soilik oinarritzeko.

Nor dago auziperatua?

Arnaldo Otegi, Batasunako mahai nazionaleko kide eta eledun ohia. Elgoibar (Gipuzkoa)

Rafa Diez, LABeko idazkari nagusia 1992tik 2008ra. Lasarte-Oria (Gipuzkoa)

Amaia Esnal, ezker abertzaleko kidea. Urnieta (Gipuzkoa)

Sonia Jacinto, EHAKko diruzain ohia. Orereta (Gipuzkoa)

Txelui Moreno, ezker abertzaleko zinegotzi ohia eta LABeko ordezkaria. Burlata (Nafarroa)

Arkaitz Rodríguez, ezker abertzaleko kidea. Donostia (Gipuzkoa)

Mañel Serra, ezker abertzaleko kidea. Hernani (Gipuzkoa)

Miren Zabaleta, ezker abertzaleko kidea. Patxi Zabaletaren (Aralar) alaba. Iruñea (Nafarroa)

Zer zigor eskatzen ditu fiskalak?

Hamar urteko kartzela zigorra bakoitzarentzat, ilegalizazioaren ostean Batasuna berreraiki nahi izana egotzita. Horrez gain, “Eusko Alkartasuna, Aralar, Abertzaleen Batasuna eta ELA erakarri eta Euskal Herria eta Espainiar estatuaren artean konfrontazio borroka eremua” eraiki nahi izana ere akusatzen zaie.

Zer eskatzen du defentsak?

Absoluzioa kide guztientzat.

Nork epaituko ditu?

Baltasar Garzon Auzitegi Nazionaleko epaile ohiak agindu zuen operazioa 2009an eta hori kargugabetu ondoren Pablo Ruz epaileak hartu zuen sumarioaren ardura. Sententzia Juan Francisco Martelek idatziko du eta epaimahaiburua Angela Murillo izango da.

Auziak eragindako mobilizazioak

Eleak mugimenduak gaur arratsalderako Hego Euskal Herriko lau hiriburuetan auziaren aurkako manifestazioak antolatu ditu. Elgoibarren ere, Arnaldo Otegiren herrian, 12:00etatik 19:00etara bitartean kontzentrazioa egingo dute eta manifestazioarekin amaitu. Gainera, Donostiako Zuloaga plazan eskubide zibil eta politikoak oinarri izango dituzten ekintzak egingo dira bihartik uztailaren 2ra bitartean. Uztailaren 2an Gipuzkoako hiriburuan nazioarteko manifestaziora deitu dute politika eta gizarte esparruko pertsona ezagunek.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Baltasar Garzon

Baltasar Garzon kanaletik interesatuko zaizu...
2018-07-22 | Axier Lopez | ARGIA
20 urtez adierazpen askatasuna jo-puntuan

“Goizero-goizero amosal bonba txiki batek, 50 bat gramokoa, eztanda egiten du Euskadin: Egin egunkaria”. Hala zioen Eusko Jaurlaritzako Barne Sailburu Juan  Mari Atutxak 1996an, gaur egun arte luzatu den ‘Dena da ETA’ teoriari ateak irekiz.


Baltasar Garzonek ere uste du Altsasuko gazteen zigor eskaera gehiegizkoa dela

“Dena ETA da” teoriaren sortzaile izateagatik ezaguna den epaileak artikulua publikatu du El País egunkarian Altsasuko auziari buruz.


2015-01-12 | Xabier Letona
Ezker abertzaleko 35 kideren kontrako epaiketa bertan behera geratu da

Astelehen goizean hastekoa zen ezker abertzaleko 35 kideren aurkako ahozko epaiketa Espainiako Auzitegi Nazionalean. Guardia Zibilak goizean hainbat abokaturen aurka egin duen operazioaren ondorioz, ordea, bertan behera geratu da, atxilotuetako abokatu batzuk auziperatuak defendatzekoak baitziren.


2014-11-17 | Malen Aldalur
Garzonek bere izena daraman webgune kritikoa itxi nahi du

Baltasar Garzonek salatu du bere izenaren "erabilera okerra" egiten dela www.baltasargarzon.es webgunean, eta orrialdea ixteko prozesua abiarazi du Kaos en la Redek argitaratu duenez.


2013-10-17 | ARGIA
Hirugarren eskratxea Baltasar Garzon epaile ohiari Argentinan

Euskal herritarrekiko elkartasunez, hilabetean hirugarren aldiz egin diote eskratxea Baltasar Garzoni Argentinan. Oraingoan Mar del Plata hirian "herritar ilustre" izendatu behar zuten ekitaldian izan da.


Eskratxea Garzon epaile ohiari Argentinan, Euskal Herriarekin elkartasunez

Argentinako Euskal Herriaren Lagunek Baltasar Garzon epaile ohi espainiarrak eman behar zuen hitzaldi bat moztu zuten Buenos Airesen. Giza eskubideak eta emanzipazio prozesuak gaur egungo Latinoamerikako eraikuntzan eztabaidan parte hartzekoa zen epaile ohi espainiarra. Dozena bat ekintzailek Euskal Herriko tortura kasuetan izan duen ardura aurpegiratu zioten, Filosofia eta Letretako fakultatean zeuden entzuleei esku-orriak banatzen zizkioten bitartean.

 


2013-06-06 | Jon Torner Zabala
'Herriko tabernen' auziko makroepaiketa urriaren 17an hasiko da

Duela hamar-hamaika urte Batasuneko kide ziren 40 lagun epaituko dituzte urriaren 17tik aurrera Espainiako Auzitegi Nazionalean. 'Herriko tabernen' bitartez ETA finantzatzea leporatuta, zortzi eta hamabi urte arteko zigor eskaerei egin beharko diete aurre akusatuek.


Garzon Otegiz: "Agian, hainbat egoeratan kartzela ez da tokirik egokiena"

El País egunkariak elkarrizketa egin dio Baltasar Garzón Espainiako Estatuko Auzitegi Nazionaleko epaile ohiari (zigortuta dago 2021 arte). Kazetariak galdetu dio ea Arnaldo Otegik kartzelatik atera behar duen. Garzónen iritziz, nahiz eta berak agindu kartzelara bidaltzea, Otegik bakearen aldeko jarrera erakutsi du eta beharbada hainbat egoeratan kartzela ez da tokirik egokiena. Epaile zigortuaren ustez, badira alternatibak, eta mahai gainean jarri behar dira bake eremu... [+]


2013-05-21 | Martin Vicioso
Garzon Bartzelonako Giza Eskubideen Zinemalditik kanpo, tortura dela eta

Asteazkenean Baltasar Garzonek estreinatu behar zuen Giza Eskubideen Zinemaldia, baina ez zen bertan izan. Torturaren Prebentziorako eta Salaketarako Koordinadora Katalanak eskutitza bidali zion jaialdiko zuzendariari torturak estali zituela azalduz, eta epailearen hitzaldia eta bere pelikularen emanaldia bertan behera utzi dituzte.


2013-04-17 | Jon Torner Zabala
1992an independentista katalanek torturak salatu zituztela bazekien Garzonek, dokumentu batzuen arabera

1992ko udan atxilotu zituzten hamar independentista katalanek torturak salatu zituzten. Baltasar Garzon epaileak dioenez, haietako inork ez zuen jarri salaketarik bere aurrean. Kataluniako La Directa astekariak argitaratu dituen dokumentu batzuetan, ordea, atxilotuek torturak deskribatzen dituzten pasarteen azpian, Garzonen sinadura agertzen da.


Azkenak
Eguneraketa berriak daude