Etxalde bateko ateak ireki, oholtza ttipi bat jarri eta bi unibertsoak batzen dituen ekimena da Baserriko Uzta. EHKOlektiboa da antolatzailea, eta uda hurbildu ahala, berriz ere datorkigu hitzordu berriekin.

Lehen Baserriko Uzta maiatzaren 26rako jarri dute: Lezaun Upategian (Lakar, Nafarroa) Ines Osinaga artistarekin. Lau momentuz osatu ohi dute hitzordua: etxaldearen bisita, kontzertua, hamaiketakoa eta, ondotik, bazkaria. Hori guztia 40 eurotan –20 eurotan 6-16 urte artekoentzat eta kitorik 5 urteak arte–. Aitzinetik izena eman behar da.

Lezaun Upategia historia luzeko upategia da, Nafarroako upategi aitzindarietako bat da ardo ekologikoa ekoizten eta mahastizaintza ekologikoa egiten. Horrez gain, jantoki propioa du eta etxeko ardoaz gain, etxaldean ekoitzitako jakiak eskaintzen dituzte. Lezaun familiako ardoaren ezagutza eta kultura belaunaldiz belaunaldi transmititu da, gutxienez 1790 urteaz geroztik, upategia deskribatzen duten lehen dokumentuak kontuan hartuta.

Gaur egun, Edorta eta Raúl Lezaun Etxalar anaiak dira Lezaun Upategiaren buru, behealdeko argazkian daudenak: