Balzola eraikuntzako langileek zuzendaritzari leporatu diote enpresa porrotera bideratzea

  • Balzola eraikuntza etxeak 179 langile ditu eta hiru hilabeteko soldatarik jaso gabe jarraitzen dute. Bizkaiko eraikuntza publikoarekin oso lotua egon da sorreratik: berak egin ditu, besteak beste, Guggenheim, Paraninfo UPV, Metro Bilbao, AHTko zenbait zati eta Iberdrola Dorreko akaberak. ELA sindikatuak jakinarazi duenez, enpresa horretako langile batzordeak kritikatu du "enpresa aurrekonkurtso egoeran egon den lau hilabeteetan zuzendaritzak enpresa deskapitalizatu izana. Gobernuak pandemiaren ondorioz ezarri duen luzapena aitzakia hartuta, prozesu guztia luzatzen ari da, eta langileak, azpikontratak zein hornitzaileak ari dira ordainsari ezaren agonia jasaten".


2020ko apirilaren 07an - 06:46
Petronorren koke planta eraikitzen aritutakoa da Balzola eraikuntza enpresa. Argazkia: Balzola.

ELAk kaleratutako oharrak azaltzen duenez, enpresak hiru hilabeteko soldatak zor dizkie 179 langileei. Horrez gain, enpresa lau hilabetez egon da aurrekonkurtso egoeran, eta langile batzordeak salatu du "zuzendaritza irtenbideak bilatzen saiatu beharrean enpresa deskapitalizatu izana, eta era berean, uste du fede txarrez jokatzen ari dela borondatezko hartzekodunen konkurtsorik ez aurkezteagatik".

Luzapena langileen kaltetan

Langile batzordeak azaldu du Gobernuak pandemiaren ondorioz ezarri duen luzapena "aitzaki" gisa erabili duela enpresak eta prozesu guztia luzatzen ari denez, azken hilabeteetan ordainsaririk jaso ez duten langileak, azpikontratak zein hornitzaileak ari direla "agonia" jasaten. Erantsi du "enplegu-erregulazioko-espedienteak dakarren lege-hutsunea medio, defentsa-gabezian" daudela langileak eta ziurgabetasuna bizi dutela, euren etorkizuna zein izango den ez dakitelako.

Zuzendaritza "kudeaketa txarraren arduradun" jo du langile batzordeak

Balzolako zuzendaritzari konponbideak berehala eskatu dizkio batzordeak, baita ordaintzeke dituen soldatak ordaintzeko ere. Enpresa porrotera bultzatu duen kudeaketa txarraren erantzule egin dute zuzendaritza.


Kanal honetatik interesatuko zaizu: Eraikuntza
'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Zer da hauts zuri hori? Badator amiantoaren laugarren olatua…

Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]


Hormigoia herri bat balitz... munduko hirugarren herri kutsatzaileena litzateke

"Lafarge eta bere konplizeak [hormigoiaren sektorea] haien baitarik ez dira geldituko, geldituko dira horretara behartuz gero", zioen Lurraren Altxamenduak sareak iazko abenduan egindako ekintza azaltzeko orduan. Mundu mailako lehen hormigoi eta zementu ekoizlea da... [+]


Kantabriako errepideen ustelkeria sarean nahasita dagoen enpresa batek Gipuzkoan mantentze lanak egiten ditu

Kantabrian, obra publikoen kontratazioetako ustezko ustelkeria sarean nahasita egoteagatik atxilotu zuten API Movilidad enpresako Jose Luis Blanco, beste hainbat pertsonarekin batera. Enpresa horri, besteak beste, errepideak mantentzeko kontratua esleitu dio Gipuzkoako... [+]


Turkian lurrikarak 'low cost' hirigintzaren ondorioak azalerazi ditu

Anatoliako failak Kurdistanen, Turkian eta Sirian eragindako lurrikarak goitik behera jausi ditu milaka etxebizitza, eta agerian geratu da Recep Tayyip Erdoganen gobernuaren eta eraikuntza sektorearen artean dagoen ustelkeria. Baina baita munduan nagusitzen ari den eredu baten... [+]


Eguneraketa berriak daude