Bakarrik itzaliko dira zigarroak

  • Datorren astetik aurrera komertzializatuko diren zigarroek beren kasa itzaltzeko sistema bat eduki beharko dute, utzita geratuz gero sutan jarrai ez dezaten. Arau berriak gaizki itzalitako zigarroek eragindako heriotzen %40 jaitsi nahi du, Europako Batzordeak emandako datuen arabera.


2011ko azaroaren 15an - 00:00
Azken eguneraketa: 2015-03-03 15:57:58
Zigarroak bakarrik itzaliko dira

Arau hau betetzeko, zigarroaren bi partetan, paperak lodiagoa izan beharko du. Aipatu zatiok zigarroaren erretze prozesua gelditu beharko dute, erabat ito arte. Era honetan, gaizki itzalitako zigarroek suteak eragitea ekidin nahi da. Ingelesez RIP izena duen sistema hau AEB, Kanada, Australia eta Finlandia bezalako herrialdeetan indarrean dago.

Europako Batzordeak emandako datuen arabera, 30.000 sute eragiten dituzte gaizki itzalitako zigarroek. Iaz 1000 pertsona hil ziren hala eta 4.000 pertsona zauritu. Finlandian, neurri hau derrigorrezko egin zenetik, %43 jaitsi dira era honetako istripuetan hildakoak, eta hala, Europar Batasunak urtean 500 pertsona salbatzea espero du.

Sim Kallas, Osasun eta Kontsurako Komisarioak esan zuenez, "ez dago zigarro seguruik, eta argi dago, seguruena ez erretzea da. Hala ere, jendeak erretzea hautatzen badu, arau berriarekin herritarrak era honetako suteetatik seguruago egongo dira". Era berean, Komisarioak aukera baliatu zuen gogoratzeko tabakoa dela osasunarentzat ekidin litekeen arriskurik handiena, eta Europar Batasunean urtean milioi erdi bat pertsonaren heriotza eragiten duela.

Aurten, Santurtzin gizonezko bat hil zen urtarrilean bere etxeak su hartuta, zigarrokin baten ondorioz.


Kanal honetatik interesatuko zaizu: Tabakoa
Espainiako Osasun Sailak terrazetan erretzea debekatzeko plana berreskuratu du

Mónica García ministroak ziurtatu du araudi zehatzak egongo direla lurrungailuen erabilera kontrolatzeko, eta zehatz-mehatz aztertuko direla hainbat egoera, “kerik gabeko espazioak zabaltzeko”.


Kerik gabeko eremuen aldeko neurriak ezarriko dituzte Ipar Euskal Herrian

Ezingo da erre hondartza, parke, baso, espazio publiko eta eskola inguruetan. 2024tik aurrera, tabako paketearen prezioa progresiboki igoko da 11 eurotik 13 eurora.


Haurrei zuzendutako zigarro elektronikoek alerta gorria piztu dute

Jostailu edo panpina itxurako eta goxoki zaporeko bapeatzaile edo zigarro elektronikoak ugaritu dira. Ohartarazi dute tabako industriak gaztetxoenak dituela jomuga, eta neurriak hartzen hasiak dira hainbat herrialdetan. Erabilera bakarreko bapeatzaileak debekatzeko asmoa agertu... [+]


Kerik gabeko gune gehiago egotea nahi du Eusko Jaurlaritzak

Eusko Jaurlaritzaren Osasun Sailak sortu du Euskadiko Kerik gabeko Guneen Sarea. Erretzen duten herritarren kopuruak behera egitea nahi dute.


2021-04-15 | ARGIA
Nafarroako ostalariek helegitea jarriko diote tabernen barnealdea ixteko neurriari

AEHN Nafarroako Ostalaritza eta Turismorako Elkarteak eta Anapeh Nafarroako Ostalaritza Enpresa Txikien Elkarteak jakinarazi dute Nafarroako Auzitegi Nagusian helegitea jarriko dutela, Chiviteren exekutiboak harturiko neurriak "funtsik gabeak" direla iritzita.


Eguneraketa berriak daude