Etxebizitzaren arazoari aurre egiteko okupazio dinamika Baionan

  • Baionako Plantoun auzoko etxe huts bat okupatzea egotzita, lau lagun atxilotu zituen poliziak larunbatean. Guztiak libre utzi zituzten, eta datozen egunetan jakinaraziko dizkiete haien kontrako karguak. Ipar Euskal Herrian dagoen "etxebizitzaren arazoari aurre egiteko" okupazioa bultzatu nahi dutela diote.


2013ko ekainaren 12an - 00:00
Azken eguneraketa: 2014-03-25 09:12:03
Atxiloketak salatzeko elkarretaratzea komisaldegiaren aurrean. (Argazkia: Gaizka Iroz / Kazeta.info)

Hartzea Lopez Arana eta Jean-Luc Delcampo dira Baionako etxe hutsa okupatu duten lagunetako bi. Aske utzi ostean, haiek eta beste biak etxe horretara itzuli dira bizitzera. Euren kontra abiatutako prozedurak zein ondorio izango duen ez dakite oraindik. Alegia, isuna jarriko dieten, auzia bertan behera utziko duten...

Poliziak okupatutako eraikina "hondatzea" egotzi die.

Eraikinak etxebizitza sozialak (HML) hartzen ditu, diru publikoarekin finantzatuak izan direnak. Eraikitzerakoan izan ziren arazoak medio, bost etxe hutsik geratu dira eta ezin dira ez saldu ezta alokatu ere, Kazeta.info-k jakinarazi duenez.

"Guk galdetzen dugu Baionan eta Ipar Euskal Herrian soluzio praktiko bat ematea, etxea behar duen jendeari bat ematea", diote etxe hutsean sartu direnek. "Okupazioaren dinamikan sartu gara orain. Ipar Euskal Herrian aurrekari bat sortzen ari gara eta orain behar dena da etxe hutsak irekitzea era oso normalean".

Haien aldarrikapenak ezagutarazi eta sostengu-sarea osatzeko, Plantouneko Okupatzaileen Kolektiboa sortu dute. Datozen egunetan emango dituzte egitasmoari buruzko azalpen gehiago, abiaraziko duten webgunearen bitartez.

Ipar Euskal Herrian dagoen etxebizitza arazori eta okupazioari buruz hitz egiteko, Hartzea Lopez Aranari elkarrizketa egin dio Info7 irratiak: "Etxebizitza arazoari aurre egiteko okupazioa bultzatu nahi dugu".

 


Kanal honetatik interesatuko zaizu: Baiona
Euskal Konfederazioak haserrea adierazi du EEPren batzar nagusian, euskararen aldeko politikei diru gehiago ez bideratzeagatik

Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Ane Elordi: "Batasunaren Korrika izan da"

11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.


2024-03-19 | Leire Artola Arin
Martxoaren 24an Korrikaren amaiera Baionan ospatzera deitu du AEK-k

2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]


Numeriko iraunkorraren eguna Baionako Estitxu Robles kolegioan

Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.


Eguneraketa berriak daude