Sorpresarik ez da izan Azkainen (Lapurdi). Bénédicte Luberriagak (Entzun Azkaine) botoen %42,7 lortu du bigarren itzulian, eta bera izango da auzapeza. Elorri Manterola ezkertiar abertzaleak (Azkaine Bai) botoen %38,16 lortu du, eta 2014-2020 kargualdian auzapez izandako Jean Louis Laduchek (Nahi degun herria) %19,1.

Abstentzioa %28,64koa izan da (lehen itzulian %30,72)

Luberriaga “biziki pozik” agertu da emaitzekin. “Jende guztiarekin lan eginen dut eta ikusirik kanpaina ongi joan dela ez dut ikusten zergatik ez dugun lortuko elkarrekin lan egiten”, adierazi dio Kanalduderi.