Bi zerrenda ziren lehian Izpuran (Nafarroa Beherea). Izpura Beti alderdiaren izenean, François Maitia Alderdi Sozialistako aspaldiko politikari ezaguna lehiara itzulia zen, duela hogeita bi urte utzitako auzapezaren aulkia berreskuratzeko asmoz, baina botoen %41 lortu du (169 boz). Bigarren zerrendak, Izpura Herritarrekin Bat ezkertiarrak, Cécile Senderain zuen buru, eta bera izan da garaile, botoen %59 eskuratuta (248 boz).

Orain arteko auzapeza ez da aurkeztu eta bere zerrendako hiru Maitiari lotu zaizkio, eta beste lau, Senderaini.