Emakumeak borrokan

Larunbatean eskubide zibil eta politikoen aldeko manifestazioa egingo da Baionan

  • 14:45etan euroaginduaren aurkako taldeak agerraldia egin du Baionan eta larunbaterako manifestazio deialdia zabaldu. Eskubide zibil eta politikoen aldeko manifestazioa Baionako Euskaldunen Plazatik abiatuko da 17:00etan. Agerraldian alderdi eta eragileak bildu dira eta Franziako Estatuaren jarrera salatzearekin batera, herritarrena txalotu dute.

2011ko ekainaren 22a
Martin atxilotzen saiatu diren unea

Atzo Aurore Martin Batasunako militantearen atxiloketa eragotzi zuten atzo Baionan bildutako hamarnaka herritarrek. Poliziak Martin atxilotu zuen 15:00ak inguruan bere ahizparen Baiona Ttipiko etxean, baina kalera ateratzeko eskaileretan bildutako pertsonek atxiloketa oztopatu zuten, eta Batasunako militantea babestu zuten Baionako St. Andre plazara arte.

Han, hedabideen aurrean, "herri harresiaren beharraren mezua gaur egun konkretuki zer den agertu" dela adierazi zuen Martinek, iragan larunbatean Miarritzen bizitza publikora itzuli zenean egindako deiari erreferentzia eginez. Herritarrek Martini emandako babesak atzo bere atxiloketa eragotzi bazuen ere, Frantziako Barne Ministroa den Claude Gueantek adierazi duenez "euroagindua gauzatuko da, Frantziako poliziaren eginbeharra delako".

Atzoko gertakarien kronologia:

[Asteartea 21, 17:50] Frantziako Barne ministroak, Claude Gueantek Montpellierren adierazi du bete egingo dutela Martinen aurkako euro agindu eskaera.

[Asteartea 21, 17:40] Poliziako kide batek AFP agentziari aitortu dio ezin izan dutela Batasunako kidea atxilotu eta joan egin direla istiluak ez sortzeagatik.

[Asteartea 21, 17:30] Polizia plazaren inguruetatik joan da.

[Asteartea 21, 16:45] Nazioarteko prentsa aferaz oihartzun izaten hasi da. Liberation, Le Figaro, Le Monde eta Le Nouvel Observateur Pirineoen alde batean, El Mundo bestean.

[Asteartea 21, 16:00 ] Garak dioenez, Baionako "suminduak" ere Martin babestera joan dira.

[Asteartea 21, 15:50] Prentsaurrekoa prestatzen ari dira. 200 pertsona inguru daude plazan, Aurore Martin babesten. Jendea plazara hurbiltzen ari da. Polizia plaza inguratzen hasi da. Sare sozialetan #AuroreMartin etiketarekin babes mezuak zabaltzen ari dira.

[Asteartea 21, 15:20] 200 pertsonak babestuta Baionako St. Andre plazan dago. 15:00 inguruan Frantziako Polizia bere ahizparen etxera joan da hau atxilotzera, Baionan Kazeta.infok dioenez.. Sare sozialen bidez,herritarrei bertara hurbiltzeko deia zabaltzen ari da. Urruñako hautetsiak berarekin daude. Berak ondoren adierazi duenez, beso eta hanketatik eutsita saiatu dira atxilotzen –"pakete bat bezala", bere hitzetan–, baina azkenean, jendea hurbildu eta eskuetatik askatzea lortu dute. Jende ugari pilatu da bere etxearen kanpoandean eta atxiloketa oztopatu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Ipar EH-ko politika

Ipar EH-ko politika kanaletik interesatuko zaizu...
2019-04-12 | Mikel Asurmendi
Euskal Elkargoko hautetsiei ardura gehiago ematea eskatu dute hainbat auzapezak

2020 urtea aitzin, 233 ordezkariz osatutako Euskal Elkargoa proposatu dute hamabost auzapezak. Dokumentuaren sinatzaileek adierazi dutenez, 100 hautetsik irakurri dute proposamena: Euskal Hirigune Elkargoaren (CAPB) lurralde politika eta proiektu komunitarioa taxutzea.


2019-03-05 | ARGIA
Etxebizitza solidario multzo bat zabaldu dute Lapurdin

OFS deitutako instituzioaren (Solidarioen Erakundeak) barruko Alokairurako Langile Batzordeak (COL deitua) etxebizitzen jabego sozialerako lehen etxebizitzak eraiki ditu. Egitasmoa errenta modu berri baten bidez garatu da.


2019-03-05 | ARGIA
Urkulluk eta Etchegaray-k elkarlana sustatzeko xedeak berretsi dituzte

Eusko Jaurlaritzako Iñigo Urkullu lehendakariak eta Euskal Elkargoko Jean René Etchegaray presidenteak EAEko eta Ipar Euskal Herriko bi komunitateen lankidetza areagotzeko nahia agertu zuten atzo Gasteizen egindako bileraren ondoren.  


2019-02-27 | ARGIA
Michele Alliot-Marie eurodiputatua eta ministro ohia auziperatua izan liteke

Michele Alliot-Marie eurodiputatuari –Donibane Lohizuneko auzapezordea zela– kargua bere intereserako erabili izana egotzi dio justiziak. Agence France Pressek (AFP) dioenez, ministro ohiaren akusazioa “zenbait elkarteren diru mugimenduak susmagarriak” izatean funtsatzen da.   


2019-02-20 | Topatu.eus
G7aren aurkako Oldartu dinamika abiatu dute Ipar Euskal Herriko gazteek

“G7ko gailurra Miarritzen antolatzeak suposatzen duen inposaketa eta probokazioari aurre egiteko bildu gara gazteok”, adierazi dute.


2019-01-22 | Euskal Irratiak
27 proposamen helarazi dio Baterak Euskal Hirigune Elkargoari, gobernantzaren hobetzeko

Zortzi atal, 27 proposamen. Hona Baterak Euskal Hirigune Elkargoaren gobernantzaren hobetzeko, Jean-René Etchegaray presidenteari eman dion txostena joan den larunbatean. Baterak, joanden irailetik eskualdeka, 16 herri desberdinetan bilkurak antolatu ditu oharren biltzeko.


2019-01-13 | Mikel Asurmendi
Ipar Euskal Herria
"Belaunaldi berriak badu gogoa bere eskualdean bizitzeko, herrian dinamika sortzeko"

Ipar Euskal Herriaren egoera soziopolitikoa aztertu dugu Iñaki Etxeleku (Donazaharre, 1977), Iulen Guiresse (Maule, 1991) eta Kattin Chilibolostekin (Uhartehiri, 1992). Etxeleku Berria-ko kazetaria da, Chilibolost MediaBask-ekoa, eta Guiresse Xiberoko Botza irratian aritua. Belaunaldien arteko harremanen transmisioaz, militantziaz, kulturaz eta euskararen egoeraz ere mintzatu gara, besteak beste. Hegoaldeari buruzko euren begirada ere eskaini digute.


Iraganaren argia

Urte berria hasia dela eta, denok bat besteari opatzen diogu zoriona, esperantza izanez etorkizuna iragana baino gehiago argi ekarle izanen zaigula. Hain zuzen ere, orainaldia goibel agertzen zaigun garai hauetan –bake prozesuaren aitzinatze motelegia, miseria sozialaren hedapena, euskararen gainbehera, eskuin muturraren garaipenak, klima aldaketa, migratzaileen zapalkuntza, eta abar–, ateriak gerorako ditugu igurikatzen anitzek, eta itxaropen horretan egiten dugu lan.

Jo eta ke... [+]


2018-12-09 | Bea Salaberri
Je suis Trambus

Azaro hastapenean gertatu zen Trambusaren aurkezpen ekitaldia.

Trambusa, azal dezadan, Baiona-Miarritze-Angelu hirigunean gaindi ibiliko den autobus sofistikatua da, garraio ohiturak irauli behar dituena, errazagoa bihurtuko diguna edonora autobusez joatea, autoz baino. Kostu ikaragarrikoa da, bistan dena, eta bi urte dira jada bideen moldatzeko obrak abiatuak dituztela. Ibilgailua bera Irizar enpresak egina da, ederra, elegantea, distiratsua, erakargarria.  

Je suis Trambus. Hori... [+]


2018-11-18 | Jakes Bortayrou
Euskal Elkargoko gobernantzari buruzko herritar auditoretza

Udazken honetan Batera plataforma 2017ko urtarrilean sortu zen Iparraldeko lehen erakunde publikoaren funtzionamenduaz auditoretza burutzen ari da. Urrian zehar, tokian tokiko 150 lagun bildu dira instituzio berriko bi urteko ibilbidean agertu diren elementu negatiboak zein positiboak zerrendatzeko. Bigarren fase batean entzuketak antolatuak izan dira, alde batetik jendarteko pertsona gaitu batzuen iritzia galdegiteko eta bestalde Elkargoaren ardura postuetan diren hautetsiak galdekatzeko,... [+]


Azkenak
Eguneraketa berriak daude