Attac-eko militantea epaiketan errugabe: banku iruzurgileari aulkiak ostea ez da delitu

  • Carpentras hiriko (Frantzia hegoaldean) epaile batek errugabe deklaratu du Nicole Briend: erretiroa hartutako irakaslea, BNPk burutzen duen iruzur fiskala salatzeko bere bulegoetan aulkiak lapurtzeko ekintzan hartu zuen parte. Sei urteko espetxe zigorra eta 75.000 euroko isuna arriskatzen zituen, baina epaileak erabat libre utzi du.


2018ko ekainaren 08an - 10:41
Attaceko militanteak Carpentraseko auzitegiaren atarian Nicole Briend aske utzi eta BNP banku iruzurgilea auziperatzeko eskatzen. (Argazkia: Attac)

Otsailaren 6an ziren epaitzekoak Nicole Briend (70 urte) 2016ko ekintzagatik, baina auzi saioa ekainaren 7a arte atzeratu zen. Ostegunean Carpentrasko auzitegi atarian zientoka militantek babestu zuten, epaileei esijituz Briend libre utzi eta BNP bankua epaitzeko. Lehenbizikoa lortu dute, bigarrena ez da hain erraza izanen.

Aulkien lapurreta Baionan Bizi! mugimendu ekologista eta altermundialistak 2016ko otsailaren 12an egin zuen: beren buruei “aulkien segalariak” [faucheurs de chaises frantsesez, parekatuz ekintza hau hazi transgenikoak salatzeko OGM arto soroak segatzen zituzten beste ekintzaile famatuekin] deitzen dituzten militanteek aulkiak osten dituzte iruzur fiskala egiten duten bankuen bulegoetan. HSBC bankua salatuz estreinatu ziren Bizi!koak Baionan eta orduan ere Parisko agintariek erakutsi zuten indar handiagoa egiten dutela dozena erraldoi bati dozena aulki xixtrin berreskuratzeko, banku horrek fiskalitateari iruzur eginez lapurtzen dituen milioiak aurkitzeko baino.

Gero Attac mugimenduak ekin zion Bizi!-ren ekintzak Frantziako Estatu osora hedatzeari, 2016ko martxoan bateko eta besteko bulegoetan 240 aulki bahituz. Antolatzaileek bankuei eskatzen zieten paradisu fiskaletara eramandako dirua itzuli eta Frantziako ogasunari iruzurrez ordaindu gabe utzitako diruak pagatzea aulkiak berreskuratzearen truke. Nicole Briendek parte hartu zuen BNPren bulego bateko aulki lapurretan. Gaur oraindik BNP omen da, Attacen esanetan, paradisu fiskaletan diruak edukitzen txapeldun frantsesa, zergen ordainketa saihesteko haietan 198 filial dauzkalarik.

Nicole Briend 2016ko martxoko ekintzan Attaceko militante batzuekin batean, BNPren bulegoko eserlekuak eramaten. (Argazkia: Attac)

Attaceko bozeramaile Raphaël Pradeauk balorazio hau egin du sententzia jakindakoan: "Gaur justiziak aitortu du iruzur fiskala egiten duen banku baten kadira bat bahitzea ezin dela lapurretatzat hartu. Parisko auzitegiek 2018ko otsailean esan zuten Attacek Appleren komertzioetan burututako ekintzek interes orokorra bilatzen zutela eta oraingo ebazpen berri honek indarra ematen digu jarraitu eta ugaritzeko gure desobedientzia zibileko ekintzak iruzur fiskala antolatzen duten banku eta multinazionalen aurka. Hauekiko estatuek erakusten duten tolerantziaren aurrean, ebazpen honek aitortu digu Attacek herritar ekintza moduan egindakoa beharrezkoa eta legitimoa dela".


Kanal honetatik interesatuko zaizu: Iruzur fiskala
2021-10-04 | ARGIA
Pandoraren Paperak: paradisu fiskaletan ezkutatu diren ondasunen filtrazio berria

Kazetarien Nazioarteko Partzuergoak filtratu du informazioa. Munduko buruzagien eta handikien sekretuak eta dirutzak erakusten ditu paradisu fiskaletan eta Amerikako Estatu Batuetan. 35 estatu buru eta estatu buru ohi, 330 funtzionario, enpresariak, artistak eta kirolariak daude... [+]


2021-06-10 | Juan Mari Arregi
Iraultza?

Zarata handia ateratzen ari dira zenbait eremutan, Espainiako Estatuan ustezko "iraultza elektriko" baten eta munduan egosten ari omen den beste "zerga iraultza" baten inguruan, hedabide handietako editorialek azpimarratu duten bezala. Propaganda gehiegi.


2021-06-03 | ARGIA
Zerga-sistema aldatzea eskatu du ELAk, enpresa handiek gehiago ordaindu dezaten

"Herri honetan zenbat eta gehiago eduki, orduan eta zerga gutxiago ordaintzen da, eta beraiek ordaintzen ez dutena beste batzuek ordaindu behar dugu", halaxe salatu du osteugn honetan Mitxel Lakuntza ELAko idazkari nagusiak Bilbon, erreforma fiskala bultzatzeko... [+]


Sark, Europako azken lurralde feudala

1565ean Elisabet I.ak Sark uhartea feudo izendatu zuen, 40 lursail mugatu eta beste hainbeste familia ezarri ziren Sarken, jaun feudal berriaren agintepean. Praktikan ezer gutxi aldatu da: Sarkeko jaunak agintean jarraitzen du eta egun paradisu fiskal bat ere bada.


2021-01-22 | ARGIA
Vatikanoko Bankuko presidente ohiari bederatzi urteko kartzela-zigorra ezarri diote iruzurragatik

2001 eta 2008 artean egindako higiezin-operazioen ondorioz milioika euro legez kanpo lortu izana leporatu diote Vaticanoko bankuko buru ohiari. Zehazki, Erroma, Milan eta Genovako 29 eraikin salerosketagatik 70 miloi euro legez kanpo irabazteagatik, 9 bederatzi urteko... [+]


Eguneraketa berriak daude