Bide mozketa eta protesta ugari metalgintzako bederatzigarren greba egunean

  • Bizkaiko metalgintzako langileek bederatzigarren greba eguna dute ostegunekoa. Barakaldon, Arrontegiko zubia itxi dute. A8 autobiderako eta Arrontegiko zubirako sarbide nagusiak aldizka itxita egon dira goizeko 10:00ak bitartean.


2019ko urriaren 03an - 09:04
Langileak, Arrontegiko zubian / @ESKsindikatua

Sestaon eta Basaurin manifestazio jendetsuak egin dituzte langileek, besteak beste. Lehenean, Santurtziraino egin dute eta bigarrenean CCOO salatu duenez langile bat erretenitu du Ertzaintzak. Horrez gain, tesntsio egoera ugari sortu dira errepide mozketak izan diren momentuetan. Langileek Iñigo Urkullu lehendakariaren kontrako ohiu ugari jaurti dituzte, honek duela egun batzuk egindako adierazpen polemikoengatik haserre.

Petronorreko enpresa batzordeak ere bat egin du grebalariekin eta Bilboko manifestazioan izan da: "Hamargarren greba egunerantz zoazte, elkartasun eta batasun txalogarria erakutsiz, borroka horretan zuen ondoan izango gaituzue", dio Bizkaiko enpresa nagusienaren langileen oharrak.

Hitzarmenaren negoziaketa, geldi

Mikaztuta daude harremanak bi aldeen artean eta gatazkak luze joko duela dirudi. Hitzarmena negoziatzeko hurrengo bilerarako datarik ez dago, oraingoz.

 Iñigo Urkullu lehendakariaren adierazpenek haserretu egin dituzte sindikatuak. Urkulluk adierazi du udatik grebarako prest zeudela sindikatuak, akordiorako borondate falta azaltzen duela horrek, eta hitz horiek zuzentzeko eskatu dio ELAk: “Ez da ulertzen lehendakariak patronalaren alde hain argi egitea. Botere ekonomikoaren diskurtsoa erosi du eta hilabete bukaerara iristen ez den jendearengandik urrundu da”. LABek lehendakariaren dimisioa eskatu du.

 


Kanal honetatik interesatuko zaizu: Metalgintza
Gipuzkoako metalgintzan ELAk eta UGTk akordioa lortu dute Adegirekin

Negoziazio mahaiaren zortzigarren bileran etorri da akordioa ostegun honetan eta 30.000 bat langileri erangingo die. ELAk (ordezkaritzaren %47,8) eta UGTk (%4,3) sinatu dute, eta LABek (%35,8) eta CCOOk (%12.2) ez. Akordioak lau urteko iraupena izango du.


Bizkaiko metaleko grebalariak epaitegietan deklaratzen hasi dira

Hitzarmena berritzeko negoziazioetan zegoen blokeoagatik deitu zuten grebara, eta istiluak izan ziren Ertzaintzaren eta manifestarien artean.  22 grebalariren aurkako prozesu judizialak abiatu dituzte, desordena publikoak eta agintarien aurkako erasoak leporatuta.


Bizkaiko metalgintzako langileek gehiengo sindikalaren eta patronalaren arteko ituna berretsi dute

CCOO, LAB eta UGT sindikatuek beren afiliatuen artean egindako batzarretan langileek baiezkoa eman diote FVEM patronalarekin negoziaturiko lan hitzarmenari baiezkoa ematea. Hamaika eguneko greba eta hainbat mobilizazioren ostean dator akordioa. ELAk oraindik ez du erabakirik... [+]


Bizkaiko metalgintzako enpresa batzuek FVEMetik irtetea erabaki dutela dio LABek

Bizkaiko metalgintzako patronala lan hitzarmenaren negoziazioan egiten ari den kudeaketa ikusita, enpresa batzuek FVEM elkartetik irtetea erabaki dute, sindikatu abertzalearen arabera. Laugarren egunean Ertzaintza ez da grebalarien kontra oldartu, eta pikete eta protesta... [+]


Ertzaintza metalgintzako grebalarien kontra oldartu da eta hainbat zauritu eragin ditu

Bizkaiko metalgintzako hirugarren greba egunak tentsio une ugari ekarri ditu, ertzaintzak langileen kontra egin ondoren. Gutxienez lau pertsona ospitalean artatu behar izan dituzte asteazkenean. Sindikatuek, lantegien eta FVEM patronalaren egoitzaren aurrean egin dituzte... [+]


Eguneraketa berriak daude