Aurten ere antolatu du deialdia mugimendu antimilitaristak, “armen trafikoa salatzeko eta ekoizpen militarra zibila bihur dadila eskatzeko”. Salatuko dute, batetik, “Eusko Jaurlaritzak gerraren euskal industriari ehunka milioi euroko dirulaguntza” ematen diola; eta, bestetik, euskal armagintzaren enpresek –206 inguru– negozioa egiten dutela “Israel, Saudi Arabia, Espainia, Frantzia, Estatu Batuak, Ingalaterra, Maroko, edo Turkiarekin”. Deialdiaren kartelean propio aipatu dituzte ITP Aero, Aernnova, Sapa eta Sener enpresak.

Martxa goizeko 11:00etan abiatuko da Bizkaiko Foru Aldunditik, Bilbon, eta Getxon amaituko. Biziz Bizi, Biraka, Eguzki, Ekologistak Martxan, Kakitzat, KEM-MOC eta Komite Internazionalistak taldeek antolatu dute.