Arcadi Oliveres ekonomialari eta aktibista antikapitalista hil da
Arcadi Oliveres i Boadella ekonomialari eta aktibista kataluniarra 75 urte zituela hil da astearte honetan, minbiziz. Kapitalismoaren eta militarismoaren aurka eta justizia sozialaren eta giza eskubideen alde egindako lanagatik ezaguna, Justícia i Pau elkartearen presidentea izan zen, besteak beste.
Botere ekonomiko eta politikoekin kritiko, kapitalismoaren kontrako ekonomia baten beharra aldarrikatu zuen nazioartean emandako hitzaldi ugarietan. ARGIAn Miel A. Elustondok egin zion elkarrizketa honetan adierazi zuenez, “kapitalismoa birrintzeko obligazio morala dugu. Kapitalismoa sistema kriminala da, hiltzailea. Hargatik suntsitu behar da, bestelako koplarik ibili gabe: deboilatu. Kapitalismoa, izan, ekonomia sistema da, eta ekonomia sistema denez, pertsonen premiak ase behar ditu. Baina kapitalismoak ez du ezer asetzen, ezta jendearen gosea ere”.
Hala nola, giza eskubideak defendatzen dituen Justicia i Pau elkartearen presidente izan zen 2001etik 2014ra, Merkataritzaren Aurkako Europako Sarea sortu zuen, eta Procés Constituent-aren alde egin zuen. M15 mugimenduan ere hartu zuen parte. Azken hilabeteotan, kritiko agertu zen pandemiaren kudeaketarekin.
Hainbat argitalpenen egile eta zenbait omenaldi eta sari jasotakoa, kanpaina ugaritan hartu zuen parte, besteak beste defendatzeko Barne Produktu Gordinaren %0,7 garapenean dauden herrialdeetara bideratzea, gastu militarraren aurkako objekzio fiskala aurrera ateratzea, Objekzio Fiskalaren Batzarra sortzea, intsumisioa baimentzea edota kontzientzia objekzioa ahalbidetzen duen legea ezabatzea.
“Independentzia solidarioa”
Aipaturiko elkarrizketan ongi azaltzen du bere pentsamendua. Kataluniaz mintzo delarik, zera dio: “Herrialde burujabea izan beharko genuke xede, errepublika bat –pentsatu ere ez monarkiarik!–, eta munduan diren eta ez diren herrialdeentzat Katalunia eredugarri bat. Demokrazia defizita bizi dugu, elkartasun defizita, defizita jendea ongi tratatzean… Defizit handiak ditugu, eta Kataluniak, berriz, berezkoak dituen dimentsio, historia eta kokalekua dituelako, herrialde independente, solidario eta eredugarria izateko egokiera du. Horixe nuke nik jomuga: independentzia solidarioa”.
“Zilegitasuna legearen gainetik dago”
ARGIArako Sustrai Colinak egindako beste elkarrizketa honetan, auzolana, elkartasuna eta desobedientzia defendatu zituen, “baina jakina, desobedientziak zailtasun eta arriskuen jabe izan eta beldurra galtzea esan nahi du. Ez dugu injustua den lege bat zertan bete, zilegitasuna legearen gainetik dago”.
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]