Arabako igerilekuetako langileak: "Lana eduki arren behartsuak gara soldata honekin"

  • Greban dira uztailaren 21etik 31ra Arabako igerilekuez arduratzen diren sorosle, monitore, azpiegituren kontrolatzaile eta begiraleak. Lan baldintzak hobetzea eskatu diete Udalari, Diputazioari eta enpresa arduradunei.

Xalba Ramirez @xalbaram
2017ko uztailaren 26a

Langileek egoeraren larritasunaren erantzuletzat dituzte Udala eta Diputazioa, gutxien ordaintzen duten enpresak kontratatzeagatik. Disport, Eki eta Aiteko enpresek hitzarmena ez dutela betetzen salatu dute.

Lau sektoretan banatuta daude langileak eta patronalak egin duen proposamenean sektoreen arteko desorekak areagotu ditu. Ibon izeneko langileak esan digunez, zein sektore dagoen mobilizatuen begiratu du patronalak, eta horren arabera egin ditu proposamenak, langileen arteko desadostasunak bilatzeko asmoz. Edonola ere, ez dute begi onez ikusi patronalaren proposamena eta greba mantentzea erabaki dute.    

Ordua 6,22 euroan kobratzen dutela jakinarazi dute langileek, “lana eduki arren behartsuak gara soldata honekin”. Gainera, azken zortzi urteetan soldata izoztua eduki dute, eta ondorioz %9 jaitsi da eros ahalmena.

Eguraldiaren arabera egiten dute lan, eta horrek soldatak are baxuagoak izatea ekartzen du. “Guardian” dauden egun horietan gutxieneko soldata kobratzea eskatzen dute ere.

Elkartasun keinu ugari jasotzen ari direla jakinarazi digute, adibidez, Gasteizko Blusa eta Nesken aldetik edo Errekaleorren aldetik. Gamarrako piketeetan parte hartzen duten sorosleei adibidez, Gasteizeko bizilagun ugari hurbiltzen zaizkiela adierazi digute, “elkartasuna erakustera eta borrokaldian jarraitzeko animatuz”.

ELA, LAB eta CCOOk deitu dute greba, baina langile guztiak batzen dituen Actividades Deportivas en Lucha plataformaren bidez ari dira garatzen ekimenak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Langile borroka  |  Prekarietatea  |  ELA  |  LAB  |  CCOO  |  Gasteiz

Langile borroka kanaletik interesatuko zaizu...
2019-03-24 | Juan Mari Arregi
Pultsu soziala mantendu behar da

Eragile sozialen eta langile mugimenduaren historia, hala nola herriena eta jendarte osoarena, eztabaidaezina da, hemen eta mundu osoan: presioaren bidez soilik lortu dira eskubide sozial eta politikoak. Hau da, greba, elkarretaratze, manifestazio eta okupazioen bidez lortu dira, baita zenbaitetan borroka armatua tartean zela ere. Kasu horietan, pultsu politiko eta soziala mantendu da sistema kapitalista, patriarkal eta matxistaren aurrean. Honek etekinak baizik ez ditu nahi eta aldian aldiko... [+]


Boycotty boikota egin ziotenekoa

1873an Erneko kondeak Charles Boycott ingelesa Irlandako Achill uharteko lurren administratzaile izendatu zuen. Berehala haren menpeko nekazariek Boycotten tratu jasanezina salatu zuten eta errenta ordaintzeari utzi zioten.


Ubik-eko lan-gatazkaz Markel Olanok adierazitakoa: fact check txiki bat

Bi minutu eta hemezortzi segundoko iraupena dauka Olanok Tabakalerako Ubik sorkuntza liburutegiko lan gatazkari buruz emandako erantzunak. Azter ditzagun esan dituen pare bat gauza, errealitatearekin zer nolako harremana duten ikusteko.


Martxoak 8, greba feminista
Mobilizazio anitzak, aldarrikapen politiko zehatzak

2018ko Martxoak 8ak aurreikuspenak hautsi zituen. Aurtengo greba feministan ere, txiki geratu dira egindako kalkuluak. Begi-bistakoa izan da. Hiriburuetan zer gertatuko geunden, eta horietako indar erakustaldiek iazkoa gainditu badute, aurtengo sorpresa auzoetakoa eta herrietakoa izan da. Txokorik txoko antolatu dira eta iaz mugimendurik egon ez zen herrietara ere heldu da olatua. Ez da kasualitatea izan, mugimendu feministak mobilizazio deszentralizatua akuilatu du eta emaitza ikusi da.


2019-03-12 | ARGIA
Bizkaia eta Gipuzkoako DIA supermerkatuetako langileak greba mugagabearen bigarren eguna

Asteartean greba mugagabearen bigarren eguna izan da Gipuzkoa eta Bizkaiko DIAko langileentzat. Pikete informatiboak ibili dira enpresa presionatuz, EEEaren negoziazioa hona ekarri dadin eta 71 lanpostu suntsi ez daitezen.


2019-03-12 | ARGIA
Navarplumako langileek greba irabazi eta beren lehen enpresa-hitzarmena lortu dute

41 egunez greban egon ondoren, %10etik goitiko soldata-igoerak, 24 orduko lanaldi-murrizketa eta lan-erreforma indargabetzea lortu dituzte. Langileen antolamendua eta kemena izan dira garaipenaren gakoa, ELAk jakinarazi duenez.


2019-03-12 | Xabier Letona
Onintza Irureta
"2006ko 600 eurotik 2016ko 1.200 eurora pasatu ziren erresidentzietako emakumeak"

Onintza Iruretak astearte arratsaldean eskaini zuen "Berdea da more berria" liburua Iruñeko Katakrak liburudendan 16 pertsonaren aurrean. Bizkaiko erresidentzietan emakumeek egindako borroka gogorraren testigantza biltzen du liburuak.


"Ezker abertzaleko lider batzuek xerpa gisa ikusten dituzte sindikatuak"

Adolfo Muñoz badoa. Apirilaren 5ean Mitxel Lakuntzari emango dio lekukoa. Arantza geratuko zaio LABekin aliantza estrategiko bat egin ez delako; "drama bat da, baina ezin da". Aurrerantzean bere burua zaintzeari ekingo diola esan du.


2019-03-11 | Oneyda Saenz
Etxeko langileak Donostiako manifestazioaren buruan izan gara

2019ko M8 hasiera bikaina izan da Gipuzkoako etxeko langileen eskubideen borrokan. Zalantzarik gabe, aurreikusitakoa gainditu dugu, kontuan izanda zein etxeko langile gutxik parte har zezakeen greban, lanak ezartzen dizkien mugengatik.


Azkenak
EGILEA
Eguneraketa berriak daude