Arabako Bertso Kuadrilla txapelketa martxan dago

  • 2018ko edizioak txapelketa formatua edukiko du, eta guztira, 320 parte hartzaile.

Artikulu hau CC BY-SA 3.0 lizentziari esker ekarri dugu.

2018ko urtarrilaren 15an - 12:20

Larunbatean aurkeztu zen Gasteizen Arabako Kuadrilla Arteko Txapelketa. Iaz banakakoa jokatu ondoren, bi urteko zikloa jarraitzera dator taldekako egitasmo hau. 2010eko Arabako Bertso Kuadrilla Arteko Txapelketa mugarri bat izan zen Arabako bertsolaritzarentzat. Ordutik hona, bi urtean behin taldekako ekimen hau antolatu da, aurten bostgarren edizioa izango da.

Txapelketa formatua

Txapelketa formatua berreskuratuko da aurtengoan, eta orain arteko bidean sakontzea izango du xede: Arabako bertsolaritza mugimendua saretu eta indartzeko.

Taldeka parte hartzen da txapelketa honetan, eta bi modalitatetan egiten da: bat-batekoan eta idatzizkoan.

Bat-batekoari dagokionez, 14 talde osatu dira. 3-6 bertsolari aritzen dira kantuan, eta horiekin batera, gai-jartzailea, epailea, argazkilaria, grabatzaileak eta sukaldariak. Guztira 9-12 laguneko taldeak parte hartzen du. Talde hori antolatzailea ere izango da, bere herrian edo eskualdean saioak antolatzeaz arduratuko da eta. Aurten, guztira, 59 lagun ariko dira bertsotan, 18 epaile lanetan, 16 lagun gai-jartzaile beharretan, eta gainerakoak bestelako funtzioetan: kronista, argazkilaria, sukaldariak, musikariak. Hurrengo eskualdeek parte hartuko dute: Aiaraldea, Mendialdea, Arabar Errioxa, Lautada (bi talde), Gorbeialdea (lau talde) eta Gasteiz (bost talde).

Idatzizko modalitatea ere egongo da, lehiarik gabe, eta horretan 17 taldek hartuko dute parte: Gazte Asanbladak, Mintzalagun taldeak, lagun kuadrillak, bertso eskolako kidea... Bertsoak prestatu, idatzi eta jende aurrean edo jendearekin batera kantatuko dituzte. Arabako zortzi eskualdetako ordezkariak egongo dira: Aiaraldea, Mendialdea, Gorbeialdea (lau talde), Lautada (bi talde), Arabar Errioxa, Gasteiz (bost talde), Añana eta Trebiñu. Bat-bateko modalitatearen saioak egiten direnenean parte hartuko dute talde hauek

Bat-batekoa eta idatzizkoa kontuan hartuta, guztira, 320 parte-hartzaile ariko dira funtzio desberdinetan, aurtengo Kuadrilla Artekoan.

Urtarrilaren 19tik martxoaren 17ra

Bertso-eskolen eta Arabako Bertsozale Elkartearen arteko antolakuntza konpartitua, izaera kolektiboan eta bertsolaritza herrikoian oinarrituta, urtarrilaren 13tik martxoaren 17ra bitarte luzatuko da aurtengo edizioa.

Kanporaketak (hamalau saio)

Urtarrilak 19, 20, 21: Gasteiz (hiru saio), Aramaio, Atauri

Urtarrilak 26, 27, 28: Oion, Agurain, Aramaio

Otsailak 2, 3, 4: Laudio, Legutio, Gasteiz, Izarra, Errekaleor, Zalduondo

Finalaurrekoak (hiru saio)

Otsailak 17: Araiako Gaztetxean

Otsailak 24, Amurrioko Gaztetxean

Martxoak 3, Aramaioko Sastiñan

Finala

Martxoak 17, Gasteizko Landatxo kiroldegian

Albiste hau Arabako Aleak argitaratu du eta ARGIAra ekarri dugu CC by-sa lizentzia baliatuta


Kanal honetatik interesatuko zaizu: Arabako Bertso Kuadrilla Artekoa
2023-03-27 | Bertsozale.eus
Katuko Muinoak taldea izan da garaile Kuadrillartekoan
Urtarrilaren 27an eman zitzaion hasiera 2023ko Arabako bertso Kuadrillartekoari, 12 saio eta 3 finalaurrekoren ostean helmugara heldu zen larunbatean ospatutako finalarekin. Bat bateko 12 talde eta idatzizko modalitatean 15 talde aritu ziren, denera 280 lagun inguru.

2023-03-22 | Hala Bedi
Arabako Bertso Kuadrillartekoaren finala larunbatean ospatuko da Laudion

Gasteizko Errexala eta Katuko Muinoak taldeak eta Aramaioko Izena Pentsau Bida lehiatuko dira arratsaldean, baina goizetik hasiko dira giroa berotzen.


2023-03-08 | Bertsozale.eus
Errexala sailkatu da finalera bigarren finalaurrekoa irabazita
Bastidan jokatu da Arabako Bertso Kuadrilla artekoaren bigarren finalaurrekoa. Lautadako Beeeeertsolariak eta Gasteizko Errexala taldeak lehiatu ziren. Epaimahaiak erabakita Errexala taldea gailendu zen, beraz, Laudion jokatuko den finalean abestuko du.

2023-02-27 | Bertsozale.eus
Aramaioko "Izena pentsau bida" izan da Arabako bertso Kuadrillarteko 1. finalaurrekoan irabazle

Arabako bertso Kuadrillarteko lehen finalaurrekoa burutu da Aguraingo Zabalarten. Aramaioko "Izena pentsau bida" eta Gasteizko "Bertxilika" taldeak izan dira lehian bertan. bertan. "Izena pentsau bida" gailendu da saioan, beraz Laudion, martxoaren... [+]


2023-02-14 | Bertsozale.eus
Bigarren faseko Kuadrillarteko finalerdiak erabakita geratu dira
Lehen faseko azken lau saioak jokatu dira asteburuan, eta erabakita geratu da hurrengo fasea. Hauexek dira sailkatutako taldeak: Izena pentsau bida (Aramaio), Bertxilika (Gasteiz), Beeeeertsolariak (Lautada), Katuko muinoak (Gasteiz), Errexala (Gasteiz) eta Txandrio (Arabar... [+]

Eguneraketa berriak daude