Apirilaren 30a, abuztuaren 12aren egun ispilua
Apirilaren 30a da eguzki-eklipsearen egun ispilua, non Eguzkia abuztuaren 12an sartuko den leku eta ordu berean jarriko den. Aurreko eta ondoko egunetako eguzki-sarrerak oso-oso antzekoak izango dira; beraz, egun aproposak dira berresteko eguzki-eklipsea ikusteko aukeratu dugun tokia egokia dela horretarako.
aurre egingo dieten hedabide independenteak
Izan ere, eklipearen osotasuna ilunabarretik hain gertu izango denez (20:30 inguruan), Eguzkia jada oso behean izango da, eta gerta liteke, maparen arabera eklipsea behatzeko aukeratutako egokia dela iruditu arren, oztopo natural edo arkitektonikoren bat izatea parean, eta horrek eklipsea jarraitzea eragoztea.
Apirilaren 30ean izango dugu hori ikusteko aukera. Izan ere, Lurraren orbitaren simetria dela eta,apirilaren 30ean eta abuz tuaren 12an Eguzkiak arku bera egiten du zeruan. Data horiek puntu simetrikoak dira udako solstizioarekiko.
Horrenbestez, hona gomendioa: apirilaren 30an, edo egun bat lehenago edo ondoren, joan aukeratutako lekura (edo bidali norbait), eta baieztatu Eguzkia ondo ikusten dela ordu-inguru horretan. Eguraldia ez da gure esku egongo, baina kokapen ona aukeratzea bai.
Oharra: gogoratu ez zaiola zuzenean begiratu behar Eguzkiari, begiak babesteko iragazki homologaturik gabe.
