Salaketa Gizarte Segurantzak onartu berri duen kasu baten ondorioren etorri da. Hain zuzen, onartu du 2023an Oñatiko Manuel B. langilea hil zuen biriketako minbizia laneko gaixotasun baten ondorioa izan zela. Ikerketa luze baten ostean egiaztatu da heriotza lanean amiantoa arnastearen ondorio izan zela.

Asviamiek adierazi du “ebidentzia” nahikoa izan arrren Gipuzkoako Debagoiene eskualdeko eta Gasteizko Txagorritxu ospitaleko medikuek ez ziotela abisua eman Osalani. Egungo legedian arabera, medikuak derrigortuta daude tokian tokiko laneko segurtasun eta osasunerako erakundeei laneko gaixotasun kasuen berri emateraa. Elkartean arabera ez zen hala izan Manuel B.ren kasuan.

Medikuen "konplizitatea"

Txagorritxuko eta Debagoieneko medikuen "konplizitatea" salatu du Asviamiek, "gaixotasunaren balizko jatorria ezkutatzeagatik eta Osalani ez jakinarazteagatik". Azaldu duenez, ez jakinarazte horrek kalte egiten dio familiari, lan arriskuen prebentzioari eta Osakidetzari ere, "azkenean ugazaben mutualitateei dagozkien kostu garrantzitsuak bere gain hartzen baititu". Elkarteak gogorarazi du Europako batzordearen arabera "askoz gehiago" direla lan-minbiziek eragindako heriotzak lan-istripuek sortutakoak baino, "beraz, hori ezkutatzea onartezina eta etika sanitarioaren aurkakoa da".