Atari berrian gaztelania nagusi izan arren, euskarazko liburuez gain, katalanezko eta galizierazko liburuentzat ere tartea egin dute. Liburuez gain, etxeko elektrotresnak txikiak, sofwarea, musika, filmak, bideo jokoak, erlojuak, askotariko jakiak… saltzen dituzte.

Atari berri honen irekieraren harira, Gorka Juliok iritzi artikulua idatzi du Berria egunkarian. Hona hemen pasarte interesgarri batzuk:

(...)

“Bertan, noski, euskal editorialek beraien katalogoak sartu ahal izango dituzte, baina Amazonek ezarritako kondizioetan. Plataforma propioa izateari uko egin beharko diote hauek edo bide berriak jorratu. Bezero ikuspuntu batetik ez du zertan txarra izan horrek, baldin eta horri esker liburu digital gehiago eta merkeagoak lortzerik badugu.”

(…)

“Gailu merkeen bidez eta eskaintza zabalak erakarrita gero zerbitzu konkretu batzuetara bideratzea (edo lotzea). Amazonen jokoan sartzen den irakurle, editorial, idazle... bakoitza hortik aurrera bere zerbitzu baldintzetara loturik egoteko. Bakoitzak ikusiko du...”