Bide seinaleen auziaren baitan Aitzinako bi gazte deitu dituzte deklaratzera, baina Topatuk jakinarazi duenez, ez dira aurkeztu.
Aitzina gazte antolakundeko kideek Iparraldeko hainbat herri sarreretan frantses hutsean idatzita zeuden 100 seinale kendu eta trenez Parisera bidali zituzten uztailaren 14an. Urriaren 16an Aitzinako kide bat atxilotu eta gazte antolakundearen Baionako egoitza miatu zuen poliziak. Orain, beste bi kideri iritsi zaie jendarmerian deklaratzeko zitazioa.
Desobedientzia
“Ez gira beren jokoan sartuko! Konbokazioetara ez gira aurkeztuko”, esan dute Aitzinako bi kideek ehKz webgunean argitaratutako agirian.
Salatu dute Frantziako Estatuak “betiko eskeman” jarraitzen duela “gazteak zatitu eta kriminalizatzeko helburuarekin”.
Aitzinako kideek bide beretik jarraitzeko hautua berretsi dute eta hurrengo egunetarako bi hitzordu jarri dituzte: Bata Azaroak 22an, zitazioei erantzun eta aurrerantzean zer dinamika garatu erabakitzeko eta bestea azaroak 22an, Ipar Euskal Herri mailako ekimen ikusgarri bat egiteko, aurrerago emango dituzte zehaztapenak.
Aitzina Iparraldeko gazte antolakundeak bere ibilbidea hortan uztea deliberatu du. Gazte ezkertiar eta abertzale ororen espazioa izateko eta euskal gazteria eta herri gisa «ditugun erronkei» behar besteko eraginkortasunez erantzuteko «ezintasuna» aipatu... [+]
Gazte ezkertiar eta abertzale ororen espazioa izateko eta euskal gazteria eta herri gisa «ditugun erronkei» behar besteko eraginkortasunez erantzuteko «ezintasuna» aipatu dute bukaera iragartzeko agirian. Hilabete batzuetako epean «beharrezkoak... [+]
Ernai eta Aitzina gazte antolakundeek uztailaren 14an Larrunera igotzeko deialdia egin dute, Euskal Herri independentea eta bizitza eredu berri bat aldarrikatzeko.
Apirilaren 10, 11 eta 12an Uxue, Erriberri eta Tafalla gurutzatuko du BidEHbat ekimenak. Tailerrak, hitzaldiak, kontzertuak, kale animazioa... Eskaintza zabala antolatu dute.