Aita Mari itsasontzia Mediterraneora itzultzeko prest
Pandemiaren ondorioz aurreikusita zituenak baino erreskate gutxiago egin ahal izan dituen arren, 202 migratzaile erreskatatzea lortu du ontziak 2020an.
Aita Mari arrantza-ontzia konponketa eta mantentze lanak amaituta, prest dago Mediterraneoan etorkinen ontziei laguntzeko. Beatriz Artolazabal Eusko Jaurlaritzako Berdintasun sailburuak itsasontziko tripulazioa bisitatu du. Uztailetik dago Pasaiako portuan, bertan egin baititu konpontze eta mantentze lanak. Artolazabalek Mediterraneoko proiektuaren interes "urgentea, soziala eta humanitarioa" nabarmendu du.
202 migratzaile erreskatatu dituzte aurten
Pandemiaren ondorioz, aurreikusita zituzten sei misioetatik bat baino ezin izan dute bete, eta urtarrila eta otsaila bitartean egin zen. Nabigaziorako aurreikusitako 180 egunetatik 36 egin ditu; eta 69 egun portuetan. Lehen misioa otsailean burutu zen, Aita Marik bi ontzi aurkitu zituen noraezean, bat gomazkoa 93 pertsona zituena, eta bestea zurezkoa, 65 lagun zeramana. 90 gizon, 17 emakume (horietako hiru haurdun) eta 51 adingabe (horietatik 39 bakarrik zeuden) erreskatatu zituzten. Denak Italiako Mesina herrian lehorreratu ziren.
Misio horrez gainera, itsasontzia Pasaiarantz abiatu zenean, Aita Marik beste txalupa bat erreskatatu zuen; bertan 44 pertsona zihoazen eta, gutxienez, emakume bat haurdun eta zenbait adingabe. Pertsona horiek Italiako Gobernuak gaitutako ferry batean eraman zituzten.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]