M15

600.000 euroko isuna eskratxe bat egiteagatik?

  • Herritarren Segurtasunerako lege proiektu berria dauka esku artean Espainiako Gobernuak eta isun handiak aurreikusten ditu azken urteetan ugaritu dien protesta moldeen kontra.


2013ko azaroaren 19an - 00:00
Azken eguneraketa: 2015-02-26 13:37:33
Espainiako Gobernuak protestei kontra egiteko isun handiagoak jarri nahi ditu, baita poliziari eskumen gehiago eman ere (argazkia: Publico).

“Eskratxe” bat egiteagatik edo erakunde publikoen egoitzen aurrean komunikatu gabeko elkarretaratze bat egiteagatik 30.000 eurotik 600.000ra bitarteko isunak jartzeko aukera zabalduko luke lege berriak onartuko balitz, Publico.es webgunean irakur daitekeenez.

Gainera, delitu larritzat jotzen du lanean ari diren polizia agenteen irudiak argitaratzea.

Espainiako Barne Ministerioaren ekimenez ari dira lege berria prestatzen eta tramitazio luzea izango duela aurreikusten den arren, Espainiako estatuko herri mugimenduen artean kezka sortu du. Mezu asko zabaltzen ari dira Twitterren #LeyAnti15M etiketarekin.

“Euskal” inspirazioa

Publicon irakur daitekeenez, legeak badu zerikusirik Euskal Herrian azken hamarkadetan aplikatu izan diren salbuespenezko neurriekin. Besteak beste, adin txikikoen gurasoek beren diruarekin ordaindu beharko diete euren seme-alabek istiluetan sortu dituzten kalte materialei (“kale borroka”-ri aurre egiteko horrelako neurriak martxan jarri ziren).

Gainera, aurreproiektuak Espainiako indar polizialei aukera emango lieke “segurtasun guneak” ezartzeko eta hartara manifestariak urruntzeko “eskratxeatu” nahi duten pertsonaren lantokitik edo etxetik. Ertzaintzak hartutako neurrietan inspiratu da Espainiako Barne Ministerioa horretarako.


Kanal honetatik interesatuko zaizu: M15
Maskara hau ezagutzen? Haren sortzailea Gasteizen izango da laster

David Lloyd, V for Vendetta komiki ezagunaren sortzaileetako bat, Gasteizen izango da otsail hasieran. Ignacio Aldecoa kultur etxeak eta Caracola Comic-ek hiru eguneko jardunaldiak antolatu dituzte komiki horren inguruan.


2021-07-14 | Axier Lopez
Pablo Iglesias Turrión
"Komunikabideen izaera publikoa aldarrikatu behar dugu, ez objektibotasuna"

Madril du bizitoki eta sorleku 1978tik. Politika-zientziak irakasten ditu Madrilgo Complutense unibertsitatean. La Tuerka eta Fort Apache solasaldi politikoen aurkezlea delako ezagutzen dugu. Blogaria da Publico.es webgunean, eta aurki zinema eta politikari buruzko liburua... [+]


2018-11-13 | Iñigo Igartua
Madrilen M15a hasi zen gauean atxilotu zituzten hamalau laguni 74 urteko espetxe zigorra eskatzen die fiskaltzak

18-26 urte bitarteko hamalau auziperatuei, desordena publikoak, kalteak, lesioak, erresistentzia eta autoritateari eraso egitea leporatzen diete. 15M libertad izeneko babes kolektiboak absoluzioa eskatu du.


Marina Garcés
"Borroka konkretu bakoitzean guztia dago jokoan"

Ideia sakonak ulergarri eta ukigarri egiteko gaitasun harrigarria dauka Marina Garcés filosofo kataluniarrak (Bartzelona, 1973), pentsamendua eguneroko bizipenekin konektatzeko argitasuna; eta bizi ditugun garai nahasi hauetan, jarrera bat: eraldaketaren aldeko apustua... [+]


Asanblada eta kanpalekua. Politika, bestelako munduak sortzeko

Zergatik ez du Nuit Debout frantziarrak M15 espainiarraren irismenik izan? Elementu guztiak zeuden (eta daude) mahai gainean: alderdi sozialistaren beste eraso bat lan eskubideen aurka ("Loi travail"), egonezin sakona eta "zerbait gerta zedin" guraria giroan... [+]


Eguneraketa berriak daude