3 eta 4 urteko umeei sexu erasoak egitea leporatuta, bortxaketa bat tartean, Miarritzeko bi animatzaile atxilotu dituzte
Mouriscot aisialdi zentroan lanean ziren bi gizonezko atxilotu dituzte, 21 eta 36 urtekoak, 3 eta 4 urteko haurrengan bortxaketa kasu bat eta hamabi sexu erasoren zantzuak aurkitu ostean. Kasu gehiago izan daitezkeela uste dute.
aurre egingo dieten hedabide independenteak
36 urteko gizonak bi urte zeramatzan Miarritzeko (Lapurdi) Mouriscot zentroan animatzaile, 21 urtekoa berriz, uda honetan hasi zen lanean. Haurretako batek emandako testigantzaren ondorioz, uztailaren 17an ikerketa abiatu zuten, Baionako Fiskaltzaren agindupean. “Afera biziki konplikatua” dela adierazia du magistratu arduradunak, biktimen adina aintzat hartuta. Psikologo, ikertzaile espezializatu eta auzitegi mediku bat ari dira umeekin hitz egiten.
Aurtengo udakoak dira gertakariak eta oraingoz lau salaketa aurkeztu dituzte.
Serge Blanco Miarritzeko auzapezak funtzioetatik baztertu ditu bi animatzaileak eta adierazi du auzian parte zibil gisa arituko dela herriko etxea. Eskutitza ere bidali die gurasoei, argitzeko bi psikologoren laguntzaz entzuketa dispositibo bat ezarriko dutela herriko etxean.
