ARGIA.eus

2022ko irailaren 28a

24 antzezlan aurkeztuko dituzte aurtengo Gazte Antzerkien Topaketan

  • Maiatzaren 16tik ekainaren 15era egingo da 33. Gazteen Antzerki Topaketa Donostian. Donostia Gazteriak antolatu du Donostia Kulturaren eta Kutxa Kulturaren laguntzarekin, eta helburua pandemiaren ostean ere “gazteek eta antzerkiak bizirik jarraitzen dutela erakustea da”.

Argazkia: Donostiako Udala
2022ko maiatzaren 04a
Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.

Deialdia hiriko ikastetxe, unibertsitate, antzerki eskola eta talde independente guztiei zabaldu zitzaien otsailean, eta guztira 24 taldek eman dute izena. Gehienak donostiarrak badira ere, Oiartzun, Pasaia, Bilbo eta Iruñeko jendea ere animatu da parte hartzera.

Taldeak bi kategoriatan banatu dituzte, adinaren arabera. Junior kategorian (14-18 urte bitartekoak) hamasei talde arituko dira, eta senior kategorian (18-30 urte) zortzi talde. 24 lan horietatik, hamaika euskaraz izango dira eta hamabi gaztelaniaz. Gainera, bat hiru hizkuntzatan interpretatuko da (euskaraz, gaztelaniaz eta arabieraz).

Antzezlanak Antzoki Zaharrean, Victoria Eugenia Antzokiko Klub aretoan, Gazteszenan, Lugaritz Kultur Etxean, Kontadores Gazte Zentroan eta Kutxa Kultur Klubean egingo dituzte. Epaimahaikideak Nerea Gorriti, Aia Kruse eta Asier Oruesagasti izango dira, eta sari banaketa ekainaren 18an egingo da.

Sarrerak hiru euroren truke eskuratu ahal izango dira maiatzaren 9tik aurrera, www.donostiakultura.eus webgunean edo obra aurkezten den tokiko leihatiletan. Ikusi hemen programazio osoa.

Kanal hauetan artxibatua: Antzerkia  |  Donostia

Antzerkia kanaletik interesatuko zaizu...
2022-09-06 | Jon Torner Zabala
'Pastorola': Handituz doa euskarazko rol jokoen eskaintza

Rolariak elkarteko kide Pello Gutierrezek sortu du Pastorola rol joko kolaboratiboa, Zuberoako pastoralen narratiba eta egitura oinarritzat dituena. Euskaraz jokatzea helburutzat hartuta, pasa den urtean Adur rol jokoa aurkeztu zuen elkarteak. Bide horri eutsi dio... [+]


2022-07-31 | Saioa Baleztena
Júlia Barceló. Indarkeria estetikoaz
“Inor ez da jaiotzen bere gorputza gorrotatzen, sistemak behartzen gaitu errefusatzera”

Aktorea, antzerki zuzendaria, gorputz askatasunaren aldeko aktibista eta Operació biquini (Flamboyant, 2021) liburuaren idazlea da Júlia Barceló (Bartzelona, 1985). Presio estetikoaz eta antzerkiak gorputz aniztasunaren alde apustu egiteko beharraz solastatu... [+]



Irakurrienak
Argia buletina
Egunaren laburpena
zure e-postan
Eguneraketa berriak daude