ARGIA.eus

2022ko irailaren 28a

15-24 urte arteko 1.121 emakumek salatu dute indarkeria matxista EAEn, hurbilekoek eragindakoa

  • 2020an 4.177 emakume izan ziren indarkeria matxistaren biktima Araba, Bizkaia eta Gipuzkoan. Horietatik 1.121, 15 eta 29 urte bitartekoak ziren, Eusko Jaurlaritzak emandako datuen arabera.

Bikotekideak edo bikotekide ohiak eragindakoa da indarkeria matxista ohikoena.
ARGIA @argia
2021eko azaroaren 25a

Berdintasun, Justizia eta Gizarte Politiketako Saileko Gazteen Euskal Behatokiak kaleratu ditu datuok, Emakundek eta Segurtasun Sailak emandakoak oinarri hartuta.

“Jaitsiera handia izan da 2019tik 2020ra bitartean salaketa jarri duten emakumeen kopuruan; zalantzarik gabe, etxeko konfinamenduak eragindako geldialdiaren ondorio da hori”, azaldu du Agurtzane Llanok, Jaurlaritzako Gazteriako zuzendariak. 2019an 15 eta 29 urte arteko 1.325 emakumek jarri zuten salaketa, eta 2018an 1.278k.

Genero-indarkeriaren biktima diren emakumeen tasek (adin-talde bereko 1.000 emakumeko kalkulatuak) ezberdintasun nabariak agertzen dituzte emakume gazteen eta 30 urtetik gorakoen artean, ‰ 7,62 eta ‰ 3,6 hurrenez hurren. Bi kasuetan, ohikoena den indarkeria matxista bikotekideak edo bikotekide ohiak eragindakoa da. 30 urtez azpikoen kasuan, 2020an horrelako indarkeria matxista 770 emakumek salatu zuten: 15 eta 19 urte bitarteko 122 emakumek, 20 eta 24 urte bitarteko 320k, eta 25 eta 29 urte bitarteko 328k.

Halaber, bikotekideak (edo bikotekide ohiak) ez diren senideak kontuan hartuta, familiako batek eragindako indarkeria matxista 15 eta 29 urte bitarteko 190 emakumek salatu zuten 2020an, eta 30 urte edo gehiago dituztenen artean, 757k.

Sexu-askatasunaren aurkako delituei dagokienez, paretsuagoak dira datuak. 30 urtez azpiko 161 emakumek salatu zuten askatasun-sexualaren aurkako indarkeria (15 eta 19 urte bitarteko 95ek, 20 eta 24 urte bitarteko 36k eta 25 eta 29 urte bitarteko 30ek), eta 30 urte edo gehiago dituzten 177k.

COVID-19aren pandemiak genero-ikuspegiarekin duen eraginean sakontzeko, Emakundek Berdintasuna pandemia garaian txostena (PDF) egin du.

Kanal hauetan artxibatua: Indarkeria matxista  |  Eusko Jaurlaritza  |  EAE

Indarkeria matxista kanaletik interesatuko zaizu...
2022-09-26 | ARGIA
Adin txikikoei sexu abusuak egin izana onartu dute akusatutako hamar gizonetatik lauk

Hasi da Gasteizko Sansoheta zentroko aldundiaren zaintzapeko adingabeak prostituitu zituzten ustezko kideen aurkako epaiketa. Lehen egunean Fiskaltzarekin akordioa lortu dute auziperatutako lauk, eta hamahiru urterainoko kartzela zigorrak onartu dituzte.


2022-09-26 | ARGIA
Jatorriz Soraluzekoa zen emakume baten hilketa matxista ikertzen ari dira Benidormen

Benidormen (Herrialde Katalanak) zuen etxean aurkitu du Espainiako Poliziak 68 urteko emakumearen gorpua. Baieztatu dute jaiotzez Soraluzekoa zela, eta Zarautzen bizi izandakoa. 73 urteko senarra trafiko istripuan hil dela esatera joan zaizkionean topatu dute poliziek. Hilketa... [+]


2022-09-21 | ARGIA
Hiru sexu eraso salatu dituzte azken egunetan Euskal Herrian

Sexu erasoengatik salaketa bana jarri dute Gasteizen, Donostian et Iruñean. Horrez gainera, indarkeria matxista kasu gehiago salatu dituzte azken egunotan.


2022-09-14 | ARGIA
Gizon batek larri zauritu du emakume bat Arguedasen

Gizonak hiru labankada eman dizkio emakumezko bikotekideari, etxean. Emakumea larri zaurituta eta ospitalean dago, eta gizona atxilo eraman dute.


Ziztadak eta beste

Hasierako shock-etik, gertatzen ari zena ulertzeko zailtasunetatik, pasa gara analisi eta tesietara. Dagoeneko badakigu ziztadek sumisio kimikoa eragitea gertagaitza dela, eta beste bat dela horien efektua: espazio publikoa ez dagokigula dioen mezu patriarkala emakumeoi... [+]



Irakurrienak
Argia buletina
Egunaren laburpena
zure e-postan
Eguneraketa berriak daude