Esperimentazioa, arriskua eta abangoardia ekarriko ditu Ertz jaialdiaren 13. edizioak
Ertz #13, Bertze Musiken Jaialdia ostiralean hasiko da Beran eta irailaren 15era bitartean izango da Beran, Donostian eta Hazparnen. 13. edizioa da aurtengoa eta Ertz elkartea, Audiolab elkartea eta Eihartzea kultur etxea dira jaialdiaren antolatzaileak. Ibilaldiak, otorduak, dantzak, masajeak, kontzertuak, hitzaldiak eta filmak izango dira besteak beste. Esperimentazioa, arriskua eta abangoardia dira jaialdi honen berezitasunetako batzuk.
Antolatzaileen esanetan 13. edizioa dela kontuan izanik, 13 zenbakia zorte txarrarekin erlazionatzen dute batzuk, baina beraien helburua "horrelako sinesgaitzak beste herrialde batzuetatik etortzen diren artistekin konpartitzea" da.
Hiru lekutan banatuko da jaialdia: Beran, Donostian eta Hazparnen. Irailaren 7an, 8an eta 9an Beran izango da. Irailaren 10etik 14ra Donostian eta irailaren 15ean Hazparnen.
Irailaren 7an, ostiralean, Berako Beralandeta espazioan eta Kultur etxean, Oier Etxeberriaren “Aldarriaren arkeologia” eta “Mezuak lekuz kanpo” bideoa izango dira instalazioaren irekiera moduan (19:00), eta ondoren Pascal Battusen kontzertua (20:00).
Larunbatean, goizean (11:00) haurrentzako tailerra izango da Alex Mendizabalekin eta soinuzko masaje sesioak ere bai. Arratsaldean (17:00) Anamorphose taldearen kontzertua eta soinuzko masaje sesioak izango dira berriz ere. Gauean (22:00) Alex Mendizabal, Tomoko Sauvage, Marc Behrens eta Ken Jacobsen kontzertuak egongo dira.
Igandean, Kultur etxean, Altzateko frontoian eta Beralandetan goizean (09:30) mendi ibilaldia, ondoren (14:00) soinudun bazkaria izango da Iñaki Pikabea sukaldariren eta Proyecto 23-en musikariaren eskutik. Arratsaldean (17:00) L’Ocelle Mare taldearen kontzertua, soinuzko masaje sesioak (16:00) eta Huts eginen kontzertua (18:00).
Irailaren 10etik 14ra Donostiako Artelekun, Kaxildan, Guardetxean eta Kutxa aretoan izango da jaialdia. Hirugarren belarria jardunaldietan, hitzaldiak, kontzertuak, entzunaldiak eta zinema izango dira. Jardunaldietako gonbidatuak, Pascal Battus, Jose Ramon Mozota Ortiz, Jose Mari Esparza, Jose Luis Ortiz Nuevo, Jose Luis Espejo, Jaume Ayats, Myriam Ayçaguer eta David Arratibel dira.
Irailaren 15ean larunbatean Hazparneko Tttatola gaztexean (21:30) izango dira kontzertuak: s.KRIEGER & r.KERNOA, Elodie Baffalio & Xomin Sourgen eta Eneka Bordatto & Beñadin Lohiague.
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Bukatu da (bukatzen ari da) tomatearen sasoia eta unea aprobetxatu nahi nuke uda honetan izandako kezka eta amorruak orriotara ekartzeko.
2016an ikusi omen zuten lehen aldiz Herrialde Katalanetan. Bi urte geroago, 2018an alegia, Xanti Pagola eta Imanol Zabalegui entomologoek Gipuzkoan azaldu zela jakitera eman zuten. Eta euskaraz izendatu ere bai! Urte batzuk pasa dira eta ez dut esango gure artean ikusteaz ohitu... [+]
Bart arratsean izan da. Etxekoak gintonikari zurrupaka. Ni aspaldi dibortziatu nintzen gintonikarekin. Ginak oso gogoko ditut, hortz-haginak ur, baina tonikak ezin edan ditut, gozoegi eta burbuila zakar gehiegi.
"Oñatiarra da, karisma handia du, baita babes soziala ere", seinalatu dute idatzi batean, sare sozialetako kontu berri baten bidez hedatu dena. Leku ugaritako neska gazteak elkartu dira salaketa egiteko. EITBk bertan behera utzi du, kautelaz, pertsona hori ageri... [+]
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Gipuzkoako Batzar Nagusietako Kultura Batzordeak, EAJ, PSE eta PPren aldeko botoekin, azaroaren 22ko bilkuran erabaki du Eusko Jaurlaritzari eskatzea azter ditzala “euskal kulturan hain esanguratsuak diren” gurutzeak eta haien inguruko “ohiturak”... [+]