argia.eus

Bereziak

burua

Azkenak

Zinemaldiko palmaresa, familia-bazkari gisa ulertua

2011-09-25 15:31:46 | Gorka Bereziartua

Zinemaldiko palmaresa, familia-bazkari gisa ulertua

Izebak, osabak, lehengusuak, arrebak, anaiak, koinatak, suiak, errainak eta amona, eta baita, seguru, ahaztu dudan beste baten bat; denak ikusi ditugu astebetean pantailatik pasatzen eta postreen ordua iritsita, tarta nahikorik ez guztientzat. Familia beti da injustua. Zinemaldia ere bai: Adikos kosmos eta Los pasos dobles larregi mimatu ditu eta beste zenbait berriz, gutxiegi edo batere ez.

 

(Guztia irakurri)

  • Zabaldu:
  • Facebook Twitter Digg Delicious

Publikoak barre egin nahi du

2011-09-25 09:51:22 | Mikel Garcia

Publikoak barre egin nahi du

Krisi ekonomikoa izango da beharbada, edo politikari eta epaileen gehiegikeriak, bankuen lotsagabekeria, gaztetxeen hustuketa bidegabea, berri txarrez betetako albistegiak, gogoko futbol taldearen porrota… Baina barre egin nahi du jendeak, zinema-aretotik alai atera nahi du. Proiekzioetan antzeman da, publikoak une irrigarriez nola gozatu duen ikusita, eta bozketan sumatu da, Michel Hazanavicius frantziarraren The Artist umoretsu eta baikorrak jaso baitu Publikoaren Saria. Eta arrazoi osoz: pelikula ederra da The Artist, 1920ko hamarkada bukaeran ahosdun zinemara egokitzen jakin ez duen zinema mutuko aktore bati buruz. Zuri-beltzean errodaturiko film mutua da, baina aurreiritziek ez zaitzatela engaina (aretora sartu aurretik nik neuk ere banituen), zinema mutuko estiloa eta imintzioak berreskuratuz eta egokituz, erritmo onean kontaturiko istorio magikoa eta freskoa da Hazanaviciusena.

 

(Guztia irakurri)

  • Zabaldu:
  • Facebook Twitter Digg Delicious

Neke zinematografikoaren kontrako erremedioak

2011-09-24 01:38:19 | Gorka Bereziartua

Neke zinematografikoaren kontrako erremedioak

Ez, ez da nekea, desilusio handi bat da pelikula gustatu ez zaizunean. Ez da nekea, ez; da sentsazio abstraktu bat, istorio konkretu baten aurrean. Nekea? Ez! Zinema gustuko baduzu ez zara inoiz nekatzen zineman. Ez da hori betazalak grabitatearen menpe jartzen dituena, ez da hori lepoa doi bat eskuineratzen dizuna, aharrausi bat, galdu duzun sekuentzia bat, bi, hiru eta zurrungak. Bai, onartzen dut, nekea da.

 

(Guztia irakurri)

  • Zabaldu:
  • Facebook Twitter Digg Delicious

Zaharruno itxurako melodrama

2011-09-24 00:27:18 | Gorka Bereziartua

Zaharruno itxurako melodrama

Plano sekuentziak gustatzen bazaizkizu, Arturo Ripsteinen Las razones del corazón zure filma da, luzera eta kolore guztietakoak baliatuz filmatua baitago. Tira, ez, kolore guztietakoak ez, zuri-beltzean agertuko baitira pertsonaiak. Erritmo mantsokoa eta abiapuntutik melodramatikoegia da Sail Ofizialean lehiatu den azken pelikula.

 

(Guztia irakurri)

  • Zabaldu:
  • Facebook Twitter Digg Delicious

Mutu baina ozen

2011-09-23 23:57:58 | Mikel Garcia

Mutu baina ozen

1920ko hamarkadako zinema mutuari omenaldia eginez, zuri-beltzean errodatutako pelikula mutu frantsesa. A priori, ez zirudien bazkalosterako filmik egokiena, baina Zabaltegiko proposamenik interesgarrienetakoa da The Artist, garai berriek zanpaturiko aktore famatu baten gainbeheraz hitz egiten duen pelikula magikoa eta, kurioski, oso freskoa.

 

(Guztia irakurri)

  • Zabaldu:
  • Facebook Twitter Digg Delicious

"Albert Nobbs"entzat izan da ikur homoerotiko bihurturiko martiriaren saria

2011-09-23 10:36:53 | Mikel Garcia

Sari nagusiak bihar jakinaraziko dituzten arren, dagoeneko sari paralelo ugari banatu dituzte Zinemaldiaren baitan. Elias Querejeta zuzendari eta ekoizleak, Imanol Arias aktoreak edota Agustí Villaronga Pa negre filmaren egileak, esaterako, jaso dituzte beraienak. Gaur, Euskal Herriko Gay, Lesbiana, Bisexual eta Transexualen Elkarte Gehituk 2000. urtetik antolatzen duen Sebastiane sariaren irabazlea iragarri du: Albert Nobbs.

 

(Guztia irakurri)

  • Zabaldu:
  • Facebook Twitter Digg Delicious

Euskal zinemaren ajeez

2011-09-22 23:48:54 | Mikel Garcia

Euskal zinemaren ajeez

Euskal Zinemaren Egunean, dena zen laudorio eta alabantza etxeko zeluloidearentzat. Biharamunean, ikuspegi errealistagotik begiratu diezaiokegu gure ekoizpenari, Euskal Herriko zinema jaialdi garrantzitsuenean duen benetako pisuari erreparatuta.

 

(Guztia irakurri)

  • Zabaldu:
  • Facebook Twitter Digg Delicious

Mundua ez da ordu eta erdian konpontzen

2011-09-22 22:05:13 | Mikel Garcia

Mundua ez da ordu eta erdian konpontzen

Denok saiatu gara noizbait, goizeko ordu txikitan eta taberna zuloren bateko barra aurrean, eta berdin atera gara tabernatik, mundua konpondu barik eta bakoitzak bereari eutsiz. Madrid, 1987 filmetik ere, sartu bezala atera naiz, David Trueba zuzendariak bizitzaren ertz guztiak ordu eta erdi pasatxoko pilulan konprimitu nahi izan dituen arren. Bi protagonistak bizitzaz, sexuaz, literaturaz, politikaz, harremanez, adinaz, filosofiaz, zinemaz… mintzatu dira; gauza gehitxo ezer argi ikusteko.

 

(Guztia irakurri)

  • Zabaldu:
  • Facebook Twitter Digg Delicious

Aktore onak edukitzeak beti laguntzen du

2011-09-22 13:25:15 | Gorka Bereziartua

Aktore onak edukitzeak beti laguntzen du

Film beltz txukun pare bat ikusi ditugu aurtengo Sail Ofizialean: Enrique Urbizuren No habrá paz para los malvados asteburuan eta gaur, Oren Moverman zuzendariaren eskutik, Rampart. Istorioa ez da aspektu askotan berritzaileegia: polizia ustela, alkoholikoa, justizia bere kontutik hartzea maite duen horietarikoa, munduaren kontra borrokan bere departamenduan lagun baino etsai gehiagorekin. Planteamendu maiztu samarra izango da agian, baina ni behintzat ez nau aspertzen pelikula ondo egina badago.

 

(Guztia irakurri)

  • Zabaldu:
  • Facebook Twitter Digg Delicious

Zinemira galaren kronika serioa eta ondorengo koktelaren kontakizun arrosa

2011-09-22 12:17:09 | Gorka Bereziartua

Zinemira galaren kronika serioa eta ondorengo koktelaren kontakizun arrosa

Ajearekin esnatu da gaur euskal zinema, atzoko Zinemira galaren eta (batez ere) ondorengo koktelaren albo-kalteak sufritzen. Euskal Herriko zuzendari, aktore, ekoizle eta zinezale asko elkartu ziren bart arratsean Victoria Eugenian. Elias Querejetak jaso zituen gaueko arrosarik handienak Zinemira sariarekin eta Hernaniri, bere “aberria”-ri, eskaini zion golardoa.

 

(Guztia irakurri)

  • Erantzunak (1)
  • |
  • Zabaldu:
  • Facebook Twitter Digg Delicious

Kukutza Zinemaldian: Twitterren jaio eta ertzainekin amaitu den elkarretaratzea

2011-09-22 04:18:35 | Mikel Garcia

Kukutza Zinemaldian: Twitterren jaio eta ertzainekin amaitu den elkarretaratzea

Hilaren 21eko 19:30ak, Victoria Eugenia antzokiko sarreran. Ordu eta erdi falta da Euskal Zinemaren Gala bertan ospatzeko, baina Donostiako Zinemaldiari jarraipena egiten ari gatzaizkion kazetari ugari eta hainbat herritar beste helburu batekin elkartu gara: Kukutza gaztetxe bilbotarra indarkeriaz hustu izana salatzea. Ordu pare batean antolatu da ekintza, Twitter sare sozialean sortu eta Twitterren bertan eta ahoz aho zabaltzeari esker. Hiru lema ezberdindun paperak ditugu eskuetan, "Kukutza aurrera!", "Free Kukutza" eta "Stop violence against Kukutza", eta elkarretaratzera gerturatutako lagunetako bik "Errekalde Kukutza" dioen pankarta horia atera dute.

 

(Guztia irakurri)

  • Zabaldu:
  • Facebook Twitter Digg Delicious

Odol epela

2011-09-21 19:12:18 | Gorka Bereziartua

Odol epela

Drama sozialak kontatzen hastean maiz gertatzen da gauza bera: errealitatean lasai asko gerta daitezkeen egoerak fikziora eramatean, sinesgarritasuna galtzen dutela. Lisboako bazter-auzo batean bizi den familiaren istorioa ekarri digu Joao Canijok Sangue do meu sangue filmean: gauza interesgarriak dituen arren, egiantzekotasunaren aldetik herren egiten duen filma.

 

(Guztia irakurri)

  • Zabaldu:
  • Facebook Twitter Digg Delicious

Zigortua izan nahi duen pederasta

2011-09-21 12:34:02 | Mikel Garcia

Zigortua izan nahi duen pederasta

Dagoeneko istorio guztiak edo ia guztiak kontatuta daudela-eta, garrantzitsuena begirada dela esan zidan duela hilabete batzuk Montxo Armendarizek, "greziarren arotik kontatuta dauden amodio, gorroto, traizio istorio horietara hurreratzeko modua eta ikuspegia". Horren jakitun, geroz eta bitxiagoak eta anitzagoak dira Hollywooden eskemetatik kanpo filmak egin nahi dituztenen ikuspegiak: pertsonaiak eta gaiak estereotipoetatik aldenduta jorratzea da joera, onaren eta gaiztoaren rolak apurtuz.

 

(Guztia irakurri)

  • Zabaldu:
  • Facebook Twitter Digg Delicious

Culinary Zinema eta Juantxoko bokataren sindromea

2011-09-21 01:53:12 | Gorka Bereziartua

Culinary Zinema eta Juantxoko bokataren sindromea

Etorri behar zuen, ez dakit zergatik harritzen zareten: Euskal Herrian denok hain ondo jaten dugunez, logikoa zen daukagun zinema jaialdi garrantzitsuenak sukaldeari tarte bat eskaintzea eta aurtengo ediziotik ez da pasa, Zinemaldiak badauka Culinary Zinema saila. Festibalaren baskizazio horretan hurrengo urratsa film-sexualki-kastoei buruzko ziklo bat zabaltzea izan liteke, baina hori iritsi bitartean, bota ditzagun ideia bat edo bi gilborra alaitzeari eskainitako sailari buruz.

 

(Guztia irakurri)

  • Zabaldu:
  • Facebook Twitter Digg Delicious

Nacho Vigalondo: "Umoreak askatasuna izan behar du norabide guztietan eztanda egiteko"

2011-09-20 23:42:24 | Mikel Garcia

Nacho Vigalondo:

Estralurtarrek gauza bat dute ona: ez dakigu nolakoak diren, fisikoki zein izaeraz, ezta zein asmorekin etortzen diren gu bisitatzera. Areago, ez dakigu existitzen diren ere. Eta horrek aukera handiak eskaintzen dizkio gure irudimenari. Mota eta estilo guztietako istorioak kontatu dizkigute arnasten dugun atmosferatik kanpo bizi omen diren izakiei buruz (musker mozorrotuak ziren V-n, maskota buruhandi maitagarriak E.T.-n, munstro basatiak Alien eta gisakoetan...). Baina gutxitan izan dira komedia-gai (Mars Attacks! dugu salbuespen argienetakoa).

 

(Guztia irakurri)

  • Zabaldu:
  • Facebook Twitter Digg Delicious
ZER DA HAU

Donostiako Nazioarteko Zinemaldiaren 59. edizioaren jarraipena egingo dugu gune honetan. Irailaren 16tik 24ra, egunero zine kritikak, hainbat adituren hitzak jasoko dituzten bideoak, gomendioak, jaialdiko programa, pelikulen trailerrak, diaporamak, bitxikeriak, lotura interesgarriak... izango dira ikusgai.

AZKEN BIDEOAK
JARRAITU KANALA

Facebook Twitter RSS jarioa

Argia.com

© 2008-2011 ARGIA.eus - Komunikazio Biziagoa
Industrialdea, 15 · 20160 Lasarte-Oria (Gipuzkoa)
Tlf: 943 371 545 - 943 373 403