EAJ ez da joango presoen eskubideen aldeko urtarrileko manifestaziora

Bere jarrera argi utzi du EAJk. Bat-bateko aldaketarik eman ezean, ez da Sarek antolatutako presoen aldeko manifestaziora joango urtarrilaren 10ean. Iazko manifestazioan egon bazen, egoera “ezohikoa” zelako izan zela esan du alderdi jeltzaleak.

11 lagunek zuzenduko dute Kutxa banku fundazioa

Aurrezki kutxa izateari utzi eta banku fundazio bihurtu da Kutxa. Batzar orokorra desagertuta, 11 kideko patronatuak zuzenduko du erakundea.

Uruguaien Filtroko gertaerak jazo zirela 20 urte bete dira igandean

Filtroko gertaeren 20.urteurrena gogoan izan dute igandean. Sortuk Donostian eta Askapena eta Ahaztuak elkarteak Bilbon ekitaldia egin dute, eta Montevideon ere mobilizazioa izan da justizia eta erantzule eske.

Inazio Agirre euskaltzale eta ezker abertzaleko kidea hil da

Inazio Agirre Arregi 66 urterekin hil da, bizikletan istripua izan eta hamar egun ospitalean egoera larrian igaro ostean. Tolosarra urte luzez ezker abertzaleko kidea izan da eta egun Sortuko militantea zen.

Erabakitzeko eskubidea defendatu dute Ibarretxek, Zabaletak eta Aoizek

Juan Jose Ibarretxe EAEko lehendakari ohia, Gemma Zabaleta PSEko kide eta Gizarte Politiketarako sailburu ohia, eta Floren Aoiz Sorturen Iratzar Fundazioko zuzendaria bildu ditu Gure Esku Dago ekimenak Bilbon antolatutako mahai-inguruak. Erabakitzeko eskubidearen alde agertu dira hiruak. Mahai-inguru osoa (gaztelaniaz egin zen) sarean paratu dute.

Aberri Eguneko termometro epela

Aberri Egunak euskal independentismoaren termometro izan nahi bazuen, tenperatura aldakorra antzeman zen igandean. Independentistak sareak 25.000 lagun elkartu zituen Iruñeko kaleetan EH Bilduren parte hartzearekin eta EAJk Bilbon ospatu zuen. Mezuetan batasunik ez.

Aberri Eguna Eskoziara eta Kataluniara begira

Independentistak sareak apirilaren 20rako Nafarroako hiriburuan antolatutako Euskal Herriak erabaki. Zazpiak bat lelopeko Aberri Egunera joateko deiarekin bat egin dute Sortuk, EAk, Aralarrek, ABk eta Alternatibak. Bezperan Larresoron (Lapurdi) antolatu duten ekitaldira gerturatzeko deia ere egin dute.

Lau urte eta sei hilabeteko kartzela eskaera Alvarez, Etxeberria, Permach, Landa eta Aldasororentzat

Herriko tabernen auzian fiskaltzak bederatzi pertsonaren aurkako akusazioa erretiratu du eta gainontzekoei zigor eskaerak murriztu dizkie. Xeheago: Batetik, Isabel Mandiola eta Santi Hernando libre geratuko dira fiskalak eta AVTk eta Dignidad y Justiciak (DyJ) ez dutelako zigorrik eskatu beren aurka. Bestetik, Adolfo Araiz, Mikel Arregi, Carlos Rodriguez, Esther Agirre, Kepa Gordejuela, Pedro Félix Morales eta Andrés Larrearen aurka fiskalak ez du zigor eskaerarik egin, baina AVTk eta DyJ-k bai. Lau urte eta sei hilabeteko kartzela eskaera egin du fiskaltzak Rufi Etxeberria, Joseba Permach –hauentzat lehen 12 urte– Karmelo Landa, Joseba Alvarez, eta Juan Kruz Aldasororentzat. Azken hiru hauei lehen 10 urteko eskaera egiten zien. Beste hauentzat fiskalak bi urte eta sei hilabete eskatu du ETAko kide izatearen akusaziopean: Txekun Lopez de Aberasturi, Jasone Manterola, Floren Aoiz, Juanpe Plaza, Antton Morcillo, Santi Kiroga etaJon Gorrotxategi. Lehengo eskaera 10 urtekoa zen. Beste hauentzat fiiskalak bi urte eta bi hilabeteko espetxe zigorra eskatu du ETArekiko kolaborazioagatik: Jose Luis Franco, Maite Amezaga, Jon Martinez, Juani Lizaso, Jaione Intxaurraga, Ruben Andres, Enrike. Alaña, Agustin Rodriguez, Patxi Bengoa, Idoia Arbelaiz, Izaskun Barbarias  eta Sabin Del Bado. Lehengo eskaera 8 urtekoa zen. Zigorrak txikitzeko auzia eta ahozko auzia gehiegi luzatu izanaren aringarria erabili du fiskalak. Auzia 2002an hasi zen, 2008an bukatu zen instrukzioa eta ahozko auzia 2013ko urrian hasi zen.

ETAk bake prozesua indartzeko “urrats esanguratsuak” iragarri ditu

Azken hilabeteetako gertakariei buruz ETAk egiten duen irakurketa argitaratu du Gara egunkariak. Erakunde armatuak urtarrilaren 11ko manifestazioa “inflexio une” gisa hartu du eta “urrats esanguratsuak” iragarri ditu gatazkaren konponbidera bidean.
PP

Rajoy-Urkullu bilera azkartu nahi du PPk Bilboko manifestazioaren ondoren

Manifestazioek ez dute espetxe politikarik aldatzen Jorge Fernandez Díaz Espainiako Barne ministroaren esanetan, baina PPn mugimenduak ekartzen dituzte. Asteazkenean Arantza Quiroga EAEko popularren burua eta Mariano Rajoy Espainiako presidentea bildu dira eta erabaki dute Rajoyk Iñigo Urkullu Eusko Jaurlaritzako buruarekin egin beharreko bilera aurreratzea.

Ozeano bihurtutako herria

Autonomia kolapsatuta. Zabalburu jendez lepo. Eta tropelak ez dio mugitzeari uzten. 17:00ak dira. Hau ez da Tantaz Tanta ekimenaren manifestazioa. Espainiako Gobernuak ez duelako hala nahi izan. Baina bada zer edo zer gehiago, debekuen aurreko erantzuna eta elkarlanaren adibidea, hain zuzen ere....

Eragileen erreakzioak atxiloketez

Atxiloketek erreakzio soka luzea ekarri dute. Ondoren dituzue alderdi politiko zein eragile sozialek egindako adierazpenen bilduma.

Euskal presoen oharra "aurrerapauso esanguratsua" da Urkulluren ustez

Agiria kaleratu du Euskal Preso Politikoen Kolektiboak, Euskal Herriko Foro Sozialaren gomendioei jarraiki. Sortuk, EAJk eta PSEk begi onez ikusi dute, PPk nabarmendu du presoei ez diela "deus zor". Urkullu lehendakariak adierazi du "aurrerapauso esanguratsua" dela, eta Rajoyrekin biltzeko asmoa duela.

Ibarretxe Plana eta Loiolako akordioa berriz mahai gainera

Ez da hutsetik hasiko estatus politiko berriari buruzko eztabaida: EH Bilduk Ibarretxe Planaren hitzaurrea eta Loiolako akordioaren edukiak jarriko ditu berriz mahai gainean, ostegunean EAJrekin egingo duen bileran.

EH Bai koaliziorik ez da izanen 2014ko Europako bozetan

Ohiko biltzar nagusian Abertzaleen Batasuna alderdiak erabaki du 2014ko Europako bozetan EH Bai koalizioan ez aurkeztea. Sorturekin eta EArekin bat egin du ABk hortaz, eta hauteskunde horiek sortu izan dituzten “gatazka eta zatiketak” saihestearen aldeko deliberoa hartu du.
GAL

Brouard eta Muguruza gogoratzeko lore eskaintza eta ekitaldia

Loreak eskainiko dizkiete Bilbon Santi Brouardi eta Josu Muguruzari eguerdian. Herri Batasuneko bi kideak hil zituztenetik 29 eta 24 urte pasa dira hurrenez hurren.

"Konponbidearen alde, eskubide guztiak" aldarrikatu dituzte milaka lagunek Bilbon

Segiren kontrako epaiketa eta 'Herriko tabernen auzia' salatzeko milaka herritar elkartu dira Bilboko manifestazioan, “Konponbidearen alde, eskubide guztiak. Libre! Epaiketa politikorik ez” lemapean.

Ezker abertzalearen aurkako epaiketa: politikan aritzeagatik beste 36 lagun kartzela arriskuan

36 pertsona epaituko dituzte gaur Espainiako Auzitegi Nazionalean, Herriko Tabernen auziaren harira. Talde terroristako kide izatea leporatzen diete. Zortzi eta hamabi urte arteko zigor eskaerak egin ditu fiskalak.

Ez deklaratzea erabaki dute Herrirako atxilotuek

Herriraren kontrako operazioan atxilotutako 18 lagunetatik bederatzik uko egin diote Guardia Zibilen aurrean deklaratzeari Berrian irakur daitekeenez.

ETAren desarmeaz, EAJ eta PSE ika-mika

Hego Euskal Herriko alderdiak ez datoz bat bake prozesuari dagokionean. Hala erakusten dute azken egunotako adierazpenek. Andoni Ortuzarrek (EAJ) igandean adierazi zuenez, ETAk  armak euskal instituzioei ematea nahi luke, “Gipuzkoako Diputazioari bada ere”. Idoia Mendia PSEko bozeramaileak aldiz, desarmatzea “Espainiako Gobernuaren aurrean” egin behar dela dio.

Egiguren: "EAJren nazionalismo sabinistatik aldendu behar da ezker abertzalea"

Jesus Egiguren PSEko presidenteak ETAk behin-betiko su-etena iragarri osteko egoera aztergai duen liburua argitaratu berri du: Ven y cuéntalo: El oasis vasco. 2011n Luis Rodriguez Aizpeolearekin batera idatzi zuen ETA, las claves de la paz liburuaren jarraipena da.

“Gizarte zibilaren indarra” aldarrikatu dute Baionan prozesua blokeotik ateratzeko

Errepresioa bukatu, bake prozesua orain lelopean manifestazioa egin zuten larunbatean Baionan. Mobilizazioaren antolatzaile zen Bake Bideak eta hara bertaratu ziren guztiek torturapean egindako deklarazioetan oinarritutako euro aginduekin amaitzea eskatu zuten.

Sortu eta EAJ, lehen hurbilketa

Sortuko eta EAJko ordezkariak bildu dira eta adostu dute Espainiako Gobernuak bakegintzan eta erabakitzeko eskubidearen alorrean hartu duen jarrera itxiari erantzungo diotela, gutxieneko akordioekin.

'Herriko tabernen' auziko makroepaiketa urriaren 17an hasiko da

Duela hamar-hamaika urte Batasuneko kide ziren 40 lagun epaituko dituzte urriaren 17tik aurrera Espainiako Auzitegi Nazionalean. 'Herriko tabernen' bitartez ETA finantzatzea leporatuta, zortzi eta hamabi urte arteko zigor eskaerei egin beharko diete aurre akusatuek.
ERC

ERC prest Europan ezker abertzalearekin aurkezteko

Kataluniako ERC alderdia ezker abertzalearekin koalizioa osatzeko aukera aztertzen ari da, izan EH Bildu, Sortu edo Amaiurrekin. CDC eta CUP alderdiekin bloke subiranista sortzeko ideiak aurrera egiten ez badu hartuko lukete bide hori, Europa Press agentziak dioenez.

Herri harresia deitu dute gaur Ondarroan

Gaur ostiralean 12:30ean Ondarroan "herri harresia" osatzeko dei egin du Urtza Alkortak. Egun Sortuko kide da eta ETArekin kolaboratzeaz akusatzen dute. Ertzaintza bere etxera bitan joan da atxilotzera, asteazken eta ostegunean, eta ez dute etxean topatu. ARGIAk jarraipena egingo du Ondarroatik.

Sortu: "Neoliberalismoaren aurrean ezkerretik eta behetik gora alternatiba berriak eraikitzeko garaia da"

"Guk guztiok Sortu askapen prozesua bururaino eramateko tresna bihurtu behar dugu", esan zuen alderdiko presidente Hasier Arraizek larunbatean Iruñean, Sorturen eratze kongresuan. "Sozialdemokraziak porrot egin du", gaineratu zuen egoera sozio-ekonomikoa hizpide. "Ez dago kapitalismo basati hau humanizatzeko modurik. Neoliberalismoaren aurrean ezkerretik eta behetik gora alternatiba berriak eraikitzeko garaia da. Eraso eta murrizketei erantzutea ez baita nahikoa".

Sorturen idazkari orokor kargua hutsik geldituko da Otegi preso dagoelako

EH Bilduko parlamentari Hasier Arraiz da Sortuko presidente izateko hautagai nagusia, alderdiaren prozesu eratzailean parte hartzen ari diren kideek hala erabakita. Logroñoko kartzelan preso dagoen Arnaldo Otegik, bestalde, bermerik handiena lortu du idazkari nagusia izateko. Kargua hutsik geratuko da.

Otegi proposatu dute Sorturen zuzendaritzarako, nahiz eta ezingo duen kargu hori bete

Sorturen eratze prozesuan parte hartzen ari diren ezker abertzaleko kideek Arnaldo Otegi proposatu dute alderdia zuzentzeko, beste hainbat hautagairekin batera. "Modu sinbolikoan" proposatu dute haren izena, preso dagoen Otegik ezin izango duelako kargu hori bete, Maribi Ugarteburu ezker abertzaleko bozeramaileak nabarmendu duen moduan. Otsailaren egingo dute bozketa.

Europar Batasunaren aurrean alternatibarik ez

Asteburu honetan plazaratu ditu Sortuk oinarri ideologikoen inguruko eztabaidaren emaitzak. Zenbait hilabetez luzatu den eztabaida prozesu honetan ika-mika handiena sortu duen puntua Europar Batasunarekiko jarrerari buruzkoa izan da ezbairik gabe. Asteburuan plazaratutako ondorio nagusi bat utzi...
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys