LAB sindikatuak Lorea izeneko egitasmoa aurkeztu du gaur Iruñean, eta, bihar, Bilbon egingo dugu agerraldia, Osasunbidean ez ezik, Osakidetzan ere heldu beharreko eztabaida bat izanik. Hain zuzen ere, egitasmo honek proposatzen du lege bat egitea osasun langileen ratio asistentzialak ordenatzeko. Zentzu honetan, Lorea eztabaidarako proposamen bat da. Enplegu duina eta asistentzia kalitatea bermatuko dituzten osasun asistentzia taldeetarako langile ratioak ezarriko dituen lege aitzindaria da.