argazki-galeria
Detroit, hiri bat harian
2013-10-10

Hustasuna eta bakardadea nabari dira Detroit (Michigan, AEB) zapaldu bezain laster. Hamabost pisuko etxebizitza-dorre hutsak Downtownaren sarreran. Haietariko baten goialdean graffiti aski handi bat, Zombieland. Kotxe bakan batzuk ere ikus daitezke errepide orain zabalegietan. Oinezkoak apenas. Hain dira gutxi, ezen agurtu egiten zaituztela ondotik pasatzean. Hau ez da Detroiti buruzko argazki-erreportaje apokaliptikoa, baina zaila da tentazioari eustea.